Jon Estankona, Korostondo jatetxeko sukaldaria, 'Txoriene' saioan

Jon Estankona, Otxandioko Korostondo jatetxeko sukaldaria, izan da gonbidatu Pili Manterolak ETB1en gidatzen duen 'Txoriene' saioan. Otxandioko jatetxean prestatzen dituzten plateretako batzuk egiten erakutsi digu.

Otxandiotik Dimarako bidean dago Korostondo jatetxea. Euskal jantoki etnografiko-tematikoa da antzinako baserri dotore batean dagoen jatetxe hau. Normalean ohikoak ez diren haragiak dituzte bertan espezialitate: basurdea, ostruka, zebra, gazela, antilopea... Euskaldunok hain maitea dugun txuleta ere bikain prestatzen dute, noski! Gustu eta ekonomia guztientzako otorduak prestatzen dituzte, eta ingurune paregabeaz gozatzeko aukera ematen du.

'Txoriene' saioan plater horietako batzuk prestatu ditu; Laponiako elur oreina eta Kobe idien txuleta, adibidez.