Prestaketa

Irina eta legamia bahetu.

Arrautzak azukrearekin harrotu.

Esnea, olioa, gatza eta azal birrinduak gehitu baina banaka-banaka eta poliki-poliki irabiatzeaz utzi gabe.

Irin eta legamia bahetuak erantsi eta astiro nahastu, ez da landu behar, nahasi bakarrik.

Plastiko film batekin estali eta hozkailuan gorde gutxienez 1-2 orduz.

Orea hozkailutik atera baino lehen, lurrungailudun eltzea berotzen (irakiten) ipini urarekin.

Flan-ontzietan madalenaren papertxoak sartu eta orearekin erdiraino bete.

Eltzean sartu, trapu bat ipini gainetik (eltzeari) eta taparekin estali. 12-15 minutuz egosten utzi.

Prozedura bera jarraitu denak amaitu arte.

*Oharra: Lurrundu ordez labean egin daitezke. 225 graduan berotu labea eta madalenak sartzerakoan 215-era jaitsi. 12 minutuz bertan  egosi.