Prestaketa

Focaccia orea:

Osagai lehorrekin sumendi bat egin eta erdian hezeak sartu. Eskuekin ore bat egin eta pausatzen utzi. Orea bikoiztean, eskuekin luzatu 2 zentimetroko lodiera eman arte, eta gainetik olibak, tomate lehorra eta kaparrak jarriko dizkiogu. Edalontzi batean ura, olioa eta gatza jarri eta gainetik bota eskuekin luzatzen dugun bitartean. Berriro pausatzen utzi, eta bikoiztean, laberatu 200 ºCan, 15 minutuz.

Entsalada:

Beste ontzi batean entsaladak dituen osagaiak sartuko ditugu, eta olio eta ozpinarekin gozatu.

Oliba beltza olioa:

Oliba beltzak hezurrik gabe hartu eta ontzi batean beste osagaiekin nahastu eta birrindu.

BUKAERA:

Plater batean entsaladaren osagaiak luzeran jarri eta gainetik sardina zatiak eta errukula hostoak. Oliba beltz olioa botako dugu gainetik eta ondoan focaccia zati bat jarri.