Prestaketa

Ziazerba pasta freskoa

Ziazerbak galdarraztatu eta zuku-makinatik pasatu ondoren, iragazi. Irinarekin sumendi bat egin eta erdian beste osagaiak sartuko ditugu. Eskuekin nahasten joango gara ore bat egin arte. Pausatzen utzi leku hotz batean. Irin pixka baten laguntzarekin zapaldu, eta pasta luzatzeko makinarekin xafla mehe bat utziko dugu lasagna karratuak mozteko. Eltze batean ura irakiten jarri, eta pasta egosi 30 segundoz. Ur hotzetara pasa, eta xukatu.

Oilasko bolognesa

Zartagin batean olioa bota eta azenarioa, tipula, baratxuri atala eta apio-adarra txikituta erregosten jarri. Barazkia eginda dagoenean, oilasko haragi txikitua gehitu eta egin arte su bizian edukiko dugu, ardo zuria bota eta murrizten denean tomate frijitu saltsa eta oregano lehorra bota. Ondoren, 10 minutuz egosten eduki.

Ahuntz gazta

Zartagin bat ondo berotu, olio pixka bat bota eta ahuntz gazta xerrak bi aldeetatik gorritu.

BUKAERA

Plater batean ziazerba pasta xafla bat jarri, gainean koilarakada bat bolognesa. Hori bi aldiz errepikatuko dugu, eta ahuntz gazta xerra gorrituarekin bukatuko dugu.