Zuzenean

Bilatu

Nafarroako Ospitale Gunea

1 / 26 Hurrengoa

Haur goiztiarren pronostikoa eta bideragarritasuna asko hobetu da azken 20 urteetan

#-published-#: 2024/11/15 15:29 (UTC+1) Azken eguneratzea: 2024/11/15 15:29 (UTC+1)

Haur goiztiarrak urteko jaiotzen % 6 inguru izan ohi dira EAEn eta Nafarroan. Donostia Ospitaleko profesionalen aburuz, haur horien kalitatea hobetu egin da, batez ere, euren garapenean eta familietan oinarritutako zaintzari eta teknologiaren aurrerapenei esker.

Bi motorzale larri zauritu dira Ariben, bidetik irtenda

#-published-#: 2024/11/03 18:52 (UTC+1) Azken eguneratzea: 2024/11/04 18:52 (UTC+1)

Istripua 10:51n gertatu da. Zaurietutako bat, 67 urteko emakumea bera, helikoptero medikalizatuan eraman dute, eta 65 urteko gizonezko bat, Aurizko mediku-taldearekin anbulantzian eraman dute. Bi-biak ospitaleratu dituzte, politraumatismo larriekin.

53 urteko langile bat zauritu da Iruñean, altuera batetik erorita

#-published-#: 2024/10/27 17:18 (UTC+1) Azken eguneratzea: 2024/10/27 17:18 (UTC+1)

Lan-istripua 11:13an gertatu da, Belosoko aldapan, Amaya Kirol Hiriaren parean. Bizi-euskarri aurreratuko anbulantzia batek Unibertsitate Ospitalera eraman du langilea, politraumatismoak baitzituen. Pronostiko erreserbatua du.

Hil da Funesen atzo oso larri zauritutako 29 urteko behargina

#-published-#: 2024/10/07 11:53 (UTC+2) Azken eguneratzea: 2024/10/07 11:53 (UTC+2)

Langilea Bodega Romana industrialdeko elikagai-enpresa batean ari zen lanean, makina batek beso bat harrapatu zionean. Askatu ondoren, larrialdi zerbitzuek suspertzeko maniobrak egin zizkioten, eta helikopteroz eraman Nafarroako Unibertsitate Ospitalera. Baina azkenean hil egin da.

29 urteko behargin bat oso larri zauritu da Funesen, makina batek besoa harrapatuta

#-published-#: 2024/10/06 20:38 (UTC+2) Azken eguneratzea: 2024/10/06 20:38 (UTC+2)

Behargina Bodega Romana industrialdeko elikagai-enpresa batean ari zen lanean. Askatu ondoren, larrialdi zerbitzuek suspertzeko maniobrak egin dizkiote, eta, ondoren, helikopteroan eraman dute Nafarroako Unibertsitate Ospitalera.

Gizon gazte bat erietxera eraman dute, Artaxoan martxan zihoan autobus batetik erori ostean

#-published-#: 2024/09/08 13:20 (UTC+2) Azken eguneratzea: 2024/09/08 13:20 (UTC+2)

19 urteko mutilak traumatismo kraneoentzefalikoa egin du, eta Nafarroako Unibertsitate Ospitalera eraman dute, pronostiko erreserbatuarekin.

Adingabe bat hil da eta hiru pertsona larri zauritu dira Oibarren, hormigoizko egitura baten aurka eginda

#-published-#: 2024/08/06 13:11 (UTC+2) Azken eguneratzea: 2024/08/07 13:11 (UTC+2)

Zaurituak 51 eta 49 urteko bi heldu eta 12 urteko adingabe bat dira. Lau biktimak, madrildarrak, Nafarroako Unibertsitate Ospitalera eraman dituzte, tartean 15 urteko adingabea oso larri helikopteroan. Hala ere, gutxi geroago hil egin da.

Albiste izango dira: Sanchez Ajuria Enean, Joko Olinpikoak eta Gazako adin-txikikoak

#-published-#: 2024/07/26 08:36 (UTC+2) Azken eguneratzea: 2024/07/26 08:36 (UTC+2)

Gaurkoan albiste izango direnen laburpena, bi hitzetan.

EAEn dira Gazako 9 haurrak eta emakumea, ostiraletik aurrera osasun laguntza jasotzeko

#-published-#: 2024/07/25 08:13 (UTC+2) Azken eguneratzea: 2024/07/26 08:13 (UTC+2)

Gaixoak, senitartekoak ondoan dituztela, harrera-etxeetan daude. Ostiralean ekingo diete tratamenduari, bostek Gurutzetako Ospitalean eta beste bostek Donostiakoan. Nafarroara ere gaur zen heltzekoa arreta behar duen beste adingabe gazatar bat.

Gazako 10 adin txikiko Hego Euskal Herrira bidean, Euskadiko eta Nafarroako ospitaleetan artatzeko

#-published-#: 2024/07/25 13:03 (UTC+2) Azken eguneratzea: 2024/07/25 13:03 (UTC+2)

Atzo Madrilen lur hartu zuten 15 adingabe gazatarretatik 10 Hego Euskal Herriko ospitaleetan artatuko dituzte. Aurreikuspenen arabera, ostegun honetan iritsiko dira Euskadira, eta, harrera-zentroetan ostatu hartu ondotik, ospitalera eramango dituzte, artatzeko. 2 eta 14 urte bitarteko haurrak dira.

52 urteko txirrindulari bat larri zauritu da Lesakako Agiña mendatean, motozale batekin talka eginda

#-published-#: 2024/07/17 18:28 (UTC+2) Azken eguneratzea: 2024/07/17 18:28 (UTC+2)

Helikoptero batek Nafarroako Unibertsitate Ospitalera eraman du txirrindularia. Motorzalea, 19 urteko gizonezkoa, anbulantzian eraman dute Bidasoa Eskualdeko Ospitalera.

Jaiekin lotuta 367 osasun-arreta egin dituzte sanferminetan, iaz baino % 12 gutxiago

#-published-#: 2024/07/15 09:08 (UTC+2) Azken eguneratzea: 2024/07/16 09:08 (UTC+2)

Horrela, 126 traumatismo eta zauri, 63 eraso, entzierroetako 56 zauritu, 37 intoxikazio etiliko, drogek eragindako 16 intoxikazio, bederatzi eraso kimiko eta zazpi sexu-eraso izan dira.

Ziztu bizian eta oldarkor egin dute debuta Domingo Hernandezen zezenek

#-published-#: 2024/07/11 13:15 (UTC+2) Azken eguneratzea: 2024/07/11 13:15 (UTC+2)

Iruñeko jaietan estreinakoz aritu dira bakarka Salamancako ganadutegiko animaliak eta 2 minutu eta 13 segundoan burutu dute ibilbidea. Erorketa asko eta tentsio une ugari izan dira, batez ere Estafetan. Zazpi lagun zauritu badira ere, bakarra erietxeratu dute.

18 urteko gazte bat zauritu da Iruñean, Santo Domingo pareko harresitik jausita

#-published-#: 2024/07/09 11:03 (UTC+2) Azken eguneratzea: 2024/07/09 11:03 (UTC+2)

06:34an jazo da ezbeharra, argitu gabeko arrazoiak tarteko, gaztea bost metroko altueratik erori denean.

Gizon bat larri zauritu da bigantxa baten adarrak kolpatu eta arteria lesioa jasanda

#-published-#: 2024/07/08 09:07 (UTC+2) Azken eguneratzea: 2024/07/09 09:07 (UTC+2)

Ezbeharra Iruñeko zezen plazan jazo da, bigarren entzierroaren ostean. Bertako ebakuntza gelan artatu dute aurrena, eta ondoren, Nafarroako Unibertsitate Ospitalera eraman dute.

23 urteko oinezko bat oso larri zauritu da Eneritzen, auto batek harrapatuta

#-published-#: 2024/06/09 10:33 (UTC+2) Azken eguneratzea: 2024/06/10 10:33 (UTC+2)

Zauritua Nafarroako Unibertsitate Ospitalera eraman dute. Oinezkoa harrapatu ostean, ibilgailua patata-sail batera erori da, baina gidaria onik atera da. Negatibo eman du alkohola eta droga atzemateko proban.

64 urteko gizon bat zauritu da Baztanen, balkoia behera etorri eta 3,5 metroko altueratik erorita

#-published-#: 2024/06/05 18:49 (UTC+2) Azken eguneratzea: 2024/06/05 18:49 (UTC+2)

Nafarroako Unibertsitate Ospitalera eraman dute zauritutako gizonezkoa helikopteroan; gorputzeko hainbat tokitan ditu kolpeak eta zauriak.

Nafarroako osasun publikoko itxaron zerrendak nabarmen txikitu dira maiatzean, Osasun kontseilariaren hitzetan

#-published-#: 2024/05/31 12:22 (UTC+2) Azken eguneratzea: 2024/06/03 12:22 (UTC+2)

"Batzuek diotena gorabehera, Nafarroako osasun publikoa aparta da", esan du, "eta hori ez da gure departamentuko goi karguen merezimendua, egunero bertan lanean ari diren profesionalena eta kolore guztietako gobernuek eraiki duten kudeaketa eta antolamenduarena baizik".

Lau lagun zauritu dira Arantza parean autobus baten eta auto baten arteko istripuan

#-published-#: 2024/05/04 10:34 (UTC+2) Azken eguneratzea: 2024/05/06 10:34 (UTC+2)

Ezbeharra 10:58an gertatu da, NA-4020 errepidean. Bi ibilgailuek talka egin dute, eta autoan zihoazen lau pertsonak ospitalera eraman behar izan dituzte. Horietako bat, kolpe larriak dituen 19 urteko gizonezko bat, helikopteroan eraman dute.

Musukoa ez da derrigorrezkoa izango Nafarroako osasun zentroetan astelehenetik

#-published-#: 2024/01/30 09:29 (UTC+1) Azken eguneratzea: 2024/02/01 09:29 (UTC+1)

Arnas birus kasuek behera egin dute bigarren astez jarraian Foru Erkidegoan. Horrenbestez, musukoa erabiltzea gomendioa izango da, baina ez halabeharrezkoa.

Lizarrako ospitaleko erditze zerbitzua datorren astelehenean jarriko dute berriro martxan

#-published-#: 2024/01/19 10:06 (UTC+1) Azken eguneratzea: 2024/01/22 10:06 (UTC+1)

Iazko abenduaren hasieran, aldi baterako itxi egin zuten erditzeko unitatea Garcia Orcoyen Ospitalean, profesionalak falta zirela argudiatuta. Protesta ugari eragin zituen erabakiak.

Albiste izango dira: Musukoa osasun zentroetan, pelletak euskal kostaldean eta Chillidak 100 urte

#-published-#: 2024/01/10 08:17 (UTC+1) Azken eguneratzea: 2024/01/10 08:17 (UTC+1)

Gaurkoan albiste izango direnen laburpena, hitz bitan.

Osasun Ministerioak musukoa inposatuko du gaur osasun-zentroetan, nahiz eta 11 erkidego ados ez egon

#-published-#: 2024/01/10 07:42 (UTC+1) Azken eguneratzea: 2024/01/10 07:42 (UTC+1)

Nafarroak eta Euskadik gomendioaren alde egin dute. Monica Garcia Osasun ministroak agerraldia du iragarrita (13:00etan) arnas aparatuko eritasunen epidemia dela eta hartu beharreko neurrien berri emateko.

Ospitale eta anbulatorio guztietan musukoa ezartzera behartuko du Osasun Ministerioak asteazkenean

#-published-#: 2024/01/08 09:18 (UTC+1) Azken eguneratzea: 2024/01/09 09:18 (UTC+1)

EFEk jakinarazi duenez, legez behartuko ditu Espainiako Gobernuak autonomia erkidegoak.

Nafarroak areagotu egin du osasun zentroetan musukoa erabiltzeko gomendioa

#-published-#: 2024/01/08 09:29 (UTC+1) Azken eguneratzea: 2024/01/09 09:29 (UTC+1)

Nafarroako Gobernuak osasun zentroetan eta zentro soziosanitarioetan musukoa erabiltzeko gomendioa egiten die herritarrei. Sintomak dituztenek ere leku itxietan babes neurriak hartzearen alde agertu da Fernando Dominguez sailburua.

Osasun-zentroetan musukoaren erabilera nahitaez ezartzeko eztabaida, mahai gainean

#-published-#: 2024/01/08 07:04 (UTC+1) Azken eguneratzea: 2024/01/08 07:04 (UTC+1)

Ospitaleetan eta anbulategietan maskara derrigorrezko jotzea aztertuko dute gaur Osasun Sistemako Lurralde arteko Kontseiluan. Hego Euskal Herrian, gomendioa da, oraingoz.

Euskadik ez du, oraingoz, maskara osasun-zentroetan ezarriko, Ministerioak gomendatu arren

#-published-#: 2024/01/05 11:04 (UTC+1) Azken eguneratzea: 2024/01/08 11:04 (UTC+1)

Arnas infekzioen gorakadaren ondorioz, osasun-zentroetan musukoen erabilera derrigortzeko eskatuko die Osasun Ministerioak autonomia erkidegoei astelehenean egingo duten Osasun Sistemako Lurralde arteko Kontseiluan.

Bi lagun ospitaleratu dituzte suontzi baten karbono monoxidoa arnasteagatik, Urrotzen

#-published-#: 2023/12/09 13:05 (UTC+1) Azken eguneratzea: 2023/12/09 13:05 (UTC+1)

Gainera, gauean, suhiltzaileek Fustiñanan esku hartu behar izan dute, etxe batean piztu den sutea itzali eta teilatua saneatzeko; izan ere, sutearen ondorioz, etxebizitzaren barrualdera erori da teilatu zati bat.

Ehunka pertsona kalera irten dira Lizarran erditze zerbitzuaren behin-behineko itxieraren kontra

#-published-#: 2023/12/07 19:36 (UTC+1) Azken eguneratzea: 2023/12/08 19:36 (UTC+1)

Erditu behar duten emakumeek Iruñeko eta Tuterako erietxeetara joan beharko dute, Garcia Orkoien ospitaleko zerbitzua behin-behinean itxita dagoen bitartean. Langile faltagatik hartu omen dute erabakia.

Lagun bat ospitaleratu dute Zuluetako etxebizitza bateko sutean kea arnasteagatik

#-published-#: 2023/11/19 11:28 (UTC+1) Azken eguneratzea: 2023/11/19 11:28 (UTC+1)

Sutea goizaldean gertatu da, eta Cordovillako parkeko agenteak, Udaltzaingoa eta Foruzaingoa bertaratu dira, baita Oinarrizko Bizi Euskarriko anbulantzia bat ere, zauritua ospitalera eraman duena.

49 urteko motorzale bat hil da Mendilibarrin, auto baten kontra jota

#-published-#: 2023/11/18 08:57 (UTC+1) Azken eguneratzea: 2023/11/19 08:57 (UTC+1)

Istripua larunbat arratsalde honetan gertatu da NA-13-A errepidean. Motorzalea Iruñeko Unibertsitate Ospitalera eraman dute, baina azkenean hil egin da, trafiko-istripuak eragindako zauri larriengatik.

Mendizale bat erreskatatu dute Ori mendian, Otsagabian

#-published-#: 2023/09/23 11:54 (UTC+2) Azken eguneratzea: 2023/09/25 11:54 (UTC+2)

Nafarroako Unibertsitate Ospitalera eraman dute jada.

21 urteko emakume tafallar bat hil da Larraunen auto istripu batean

#-published-#: 2023/08/05 12:10 (UTC+2) Azken eguneratzea: 2023/08/05 12:10 (UTC+2)

Ezbeharra ostiralean gertatu da, 20:40ean, A15 autobidean. Hildakoarekin batera beste emakume bat zihoan autoan, 21 urtekoa eta tafallarra bera ere bai, eta Nafarroako Ospitalera eraman dute, pronostiko erreserbatuarekin.

Labanaz zauritu dute gazte bat Iruñeko Media Luna inguruan

#-published-#: 2023/07/09 15:27 (UTC+2) Azken eguneratzea: 2023/07/09 15:27 (UTC+2)

Biktima ospitalera eraman dute, pronostiko erreserbatuarekin, eta Polizia Nazionalak ikerketa ireki du erasotzailea atxilotzeko.

Villavesako gidari bat ospitalera eraman behar izan dute, beroagatik sinkopea izanda, lanean ari zela

#-published-#: 2023/07/09 10:41 (UTC+2) Azken eguneratzea: 2023/07/10 10:41 (UTC+2)

Larunbateko 18:30 aldera, autobusa gelditu, jaitsi eta markesina batean eseri zen gidaria, ondoezik, eta zorabiatu egin zen ondoren. Bidaiari bat medikua zen eta hark artatu zuen anbulantzia etorri arte.

Nola egiten dute lan entzierro egunetan Nafarroako Ospitalean?

#-published-#: 2023/07/08 16:50 (UTC+2) Azken eguneratzea: 2023/07/08 16:50 (UTC+2)

Nafarroako Unibertsitate Ospitalean izan gara, eta entzierro egunetan nola lan egiten duten kontatu digute.

Maskara dagoeneko ez da derrigorrezkoa osasun zentroetan, adinekoen egoitzetan eta farmazietan

#-published-#: 2023/07/05 09:49 (UTC+2) Azken eguneratzea: 2023/07/05 09:49 (UTC+2)

Aldaketa indarrean sartu da, Espainiako Estatu Aldizkari Ofizialean argitaratu eta gero. Espainiako Gobernuak, gainera, covid-19ak eragindako osasun krisiaren amaiera onartu du.

Musukoa ez da derrigorrezkoa izango osasun zentroetan, adinekoen egoitzetan eta farmazietan

#-published-#: 2023/07/04 13:50 (UTC+2) Azken eguneratzea: 2023/07/04 13:50 (UTC+2)

Espainiako Gobernuak, gainera, covid-19ak eragindako osasun krisiaren amaiera onartu du. Derrigortasunaren amaiera aldizkari ofizialean argitaratzen denean sartuko da indarrean.

Osasun zentro, zentro soziosanitario eta farmazietan musukoak kentzea onartuko du gaur Espainiako Gobernuak

#-published-#: 2023/07/04 10:40 (UTC+2) Azken eguneratzea: 2023/07/04 10:40 (UTC+2)

Betebeharra Estatuko Aldizkari Ofizialean argitaratzen den egunean bertan amaituko da. Neurriarekin amaitzen dira covid-19aren pandemiaren eztandarekin duela hiru urte baino gehiago ezarri ziren murrizketa guztiak.

Ministroen Kontseiluak ez du gaur onartuko musukoa osasun-etxeetan kentzea

#-published-#: 2023/06/26 11:44 (UTC+2) Azken eguneratzea: 2023/06/27 11:44 (UTC+2)

Jose Miñones ministroaren hitzetan, musukoaren gaia "osasun krisi baten aurrean jarduteko dekretu zabalago baten barnean dago; ongi informatu eta administrazio-izapide guztiak zuzen bete behar dira". "Ahal duten bezain azkar" onartuko dela neurria adierazi du.

1 / 26 Hurrengoa

orain albiste