Zuzenean

Bilatu

Lan istripuak

1 / 30 Hurrengoa

Kamioilari bat hil da Larrabetzun, errepidetik aterata

#-published-#: 2024/12/09 10:50 (UTC+1) Azken eguneratzea: 2024/12/10 10:50 (UTC+1)

Ezbeharra N-637 errepidean gertatu da 17:40 aldera, Erletxerako noranzkoan. Kamioilaria ibilgailuaren barruan harrapatuta geratu da, eta suhiltzaileek esku hartu behar izan dute.

Langile bat zauritu da Martzillako etxalde batean, hiru metroko altueratik jausita

#-published-#: 2024/11/19 11:19 (UTC+1) Azken eguneratzea: 2024/11/19 11:19 (UTC+1)

48 urteko gizonezkoa Nafarroako Unibertsitate Ospitalera eraman dute, pronostiko erreserbatuko hainbat lesio traumatikorekin. Ezbeharra bart jazo da, 22:36an.

Barakaldoko etxebizitza eraikin bateko lau familiak etxetik kanpo igaro dute gaua, sute baten ondorioz

#-published-#: 2024/11/19 09:57 (UTC+1) Azken eguneratzea: 2024/11/19 09:57 (UTC+1)

Suak gehien kaltetutako lau etxeetako bizilagunak ezingo dira tarte batean itzuli. Garrak argindar-kableetan piztu dira, eta langile bat zaurituta eraman dute Gurutzetako Ospitalera.

Garraiolari lesakar bat bihotzekoak jota hil da Irunen, kamioia kargatzen ari zela

#-published-#: 2024/11/12 11:19 (UTC+1) Azken eguneratzea: 2024/11/13 11:19 (UTC+1)

LABek gogorarazi du, aurreko ekitaldiko ezbehar txostenaren arabera, lan-istripuen ondoriozko heriotzen % 33 ez-traumatikotzat jotzen direla, eta kopuru hori % 75era iristen dela garraiolarien kasuan.

Behargin bat hil da Bilbon, kafetegi bateko kristalak garbitzen ari zela hiru metrotik erorita

#-published-#: 2024/11/11 18:59 (UTC+1) Azken eguneratzea: 2024/11/11 18:59 (UTC+1)

Ezbeharra 09:30ean gertatu da, Plaza Biribilean dagoen La Parada kafetegian. LABek salatu duenez, 55 urteko hildakoa autonomoa eta azpikontratatutako langilea zen, "behin eta berriz errepikatzen den patroia".

Abanton motor bat konpontzen zauritutako langilea hil egin da

#-published-#: 2024/10/29 13:16 (UTC+1) Azken eguneratzea: 2024/10/29 13:16 (UTC+1)

Ezbeharra urriaren 17an gertatu zen El Campillo industriagunean, Viuda de Sainz eraikuntza enpresaren taillerretan. ELAk lan heriotza salatzeko elkarretaratzea deitu du ostegunerako.

53 urteko langile bat zauritu da Iruñean, altuera batetik erorita

#-published-#: 2024/10/27 17:18 (UTC+1) Azken eguneratzea: 2024/10/27 17:18 (UTC+1)

Lan-istripua 11:13an gertatu da, Belosoko aldapan, Amaya Kirol Hiriaren parean. Bizi-euskarri aurreratuko anbulantzia batek Unibertsitate Ospitalera eraman du langilea, politraumatismoak baitzituen. Pronostiko erreserbatua du.

Osalanek zehaztu du urriaren 15ean Boroan istripua izan zuen langilea oso larri dagoela

#-published-#: 2024/10/25 15:08 (UTC+2) Azken eguneratzea: 2024/10/25 15:08 (UTC+2)

ELAk langilearen heriotza iragarri duen arren, Osalanek argitu du bizirik dagoela, baina oso larri.

Kamioilari bat larri zauritu da Andosillan, gidatzen ari zen ibilgailua iraulita

#-published-#: 2024/10/24 23:00 (UTC+2) Azken eguneratzea: 2024/10/24 23:00 (UTC+2)

Kamioilaria, Tarazonan (Zaragoza) bizi den 61 urteko gizonezkoa, harrapatuta geratu da, eta suhiltzaileek erreskatatu behar izan dute. Ondoren, Lizarrako Garcia Orcoyen ospitalera eraman dute, larri.

Gurutzetako Ospitaleko harrerako sabaia erori da; astelehenean ireki zen berriro, berritzeko lanak bukatuta

#-published-#: 2024/10/22 11:40 (UTC+2) Azken eguneratzea: 2024/10/23 11:40 (UTC+2)

Istripuan ez da langilerik zauritu, baina ESK sindikatuak "oso larritzat" jo du gertatutakoa. Osasun Sailak azaldu duenez, sabaiko "plaka desmuntagarri" batzuk "askatu" egin dira, eta, horregatik, guztiak berrikusi dituzte.

Langile bat hil da Lizarrako Agralco enpresako biltegi batean izandako leherketan

#-published-#: 2024/10/18 18:33 (UTC+2) Azken eguneratzea: 2024/10/18 18:33 (UTC+2)

56 urteko langile bat hil da nekazaritzako hondakinen biltegi bat lehertuta. Leherketak ez du ez suterik ez isurketarik eragin. Ikerketa abiatu dute zerk eragin duen argitzeko.

56 urteko langile bat hil da Lizarrako Agralco enpresako biltegi batean izandako leherketan

#-published-#: 2024/10/18 20:02 (UTC+2) Azken eguneratzea: 2024/10/18 20:02 (UTC+2)

Leherketaren ostean, enpresako langileak lankide bat desagertuta zegoela konturatu dira, eta haren gorpua aurkitu dute ondoren.

47 urteko langile bat hil da Loiun, lantegi bateko teilatutik erorita

#-published-#: 2024/10/15 14:49 (UTC+2) Azken eguneratzea: 2024/10/16 14:49 (UTC+2)

Segurtasun Sailak jakitera eman duenez, Larrondo kalean dagoen pabilioi batean izan da ezbeharra, 11:10 inguruan. Kolpearen ondorioz, tokian bertan zendu da. ELAk azaldu duenez, hildako behargina Amurrioko (Araba) Amiantec 3000 enpresakoa zen, baina GECSAn (Loiu) azpikontratatuta zegoen.

Langile bat hil da Olletan, 8 metroko altueratik erorita

#-published-#: 2024/10/15 13:47 (UTC+2) Azken eguneratzea: 2024/10/16 13:47 (UTC+2)

Foruzaingoak jakitera eman duenez, telefono-poste batetik erori da, 11:30 inguruan. Tokian bertan zendu da. LAB, ESK, Steilas, EHNE-Etxalde, Hiru eta CGT-LKN sindikatuek protesta elkarretaratzea deitu dute ostegunerako, 11:00etan, Iruñeko Gaztelu plazan.

Hil da Funesen atzo oso larri zauritutako 29 urteko behargina

#-published-#: 2024/10/07 11:53 (UTC+2) Azken eguneratzea: 2024/10/07 11:53 (UTC+2)

Langilea Bodega Romana industrialdeko elikagai-enpresa batean ari zen lanean, makina batek beso bat harrapatu zionean. Askatu ondoren, larrialdi zerbitzuek suspertzeko maniobrak egin zizkioten, eta helikopteroz eraman Nafarroako Unibertsitate Ospitalera. Baina azkenean hil egin da.

29 urteko behargin bat oso larri zauritu da Funesen, makina batek besoa harrapatuta

#-published-#: 2024/10/06 20:38 (UTC+2) Azken eguneratzea: 2024/10/06 20:38 (UTC+2)

Behargina Bodega Romana industrialdeko elikagai-enpresa batean ari zen lanean. Askatu ondoren, larrialdi zerbitzuek suspertzeko maniobrak egin dizkiote, eta, ondoren, helikopteroan eraman dute Nafarroako Unibertsitate Ospitalera.

Lan-istriputzat hartu dituzte Osakidetzako langile bati covidak eragindako ondorioak

#-published-#: 2024/10/03 15:25 (UTC+2) Azken eguneratzea: 2024/10/03 15:25 (UTC+2)

Lagileak lanpostuan harrapatu zuen gaitza, 2020ko osasun-krisialdian. ESK sindikatuak adierazi du epaian egiaztatu dela "egungo bere egoerak infekzioarekin duen lotura".

Garraiolari gipuzkoar bat hil da Lodosan izandako istripu batean

#-published-#: 2024/09/26 19:40 (UTC+2) Azken eguneratzea: 2024/09/26 19:40 (UTC+2)

54 urteko gidari gipuzkoar bat hil da gaur Lodosan (Nafarroa), artikulatutako bi kamioik talka eginda. Istripuaren ondorioz, azido sulfurikoa isuri da errepidean.

Bi pertsona hil dira Lodosan eta Urotzen izandako trafiko istripu banatan

#-published-#: 2024/09/26 19:45 (UTC+2) Azken eguneratzea: 2024/09/26 19:45 (UTC+2)

Kamioi gidari bat hil da NA-134an Lodosa parean bi kamioiren artean izandako istripuan. Kamioietako batek zeraman azido sulfurikoa errepidera isuri da eta errepidea itxi behar izan dute garbiketa lanak egin ahal izateko. Urotzen NA-150ean auto bat bidetik atera da eta pertsona bat hil da istripuan.

Bi langile ospitaleratu dituzte, Galdakaoko enpresa batean piztutako sutean kea arnasteagatik

#-published-#: 2024/09/20 17:34 (UTC+2) Azken eguneratzea: 2024/09/20 17:34 (UTC+2)

Sutea ostegun arratsaldean piztu zen, 19:30 aldera, eta ostiral goizean erabat itzali gabe zegoen.

Behargin bat hil da Irunberrin, aldamio batetik erorita

#-published-#: 2024/09/16 13:34 (UTC+2) Azken eguneratzea: 2024/09/17 13:34 (UTC+2)

Ezbeharra 18:00ak aldera gertatu da, Abadia kaleko etxe batean, ikertzen ari diren arrazoiengatik.

Mikel Torres sailburuak "errealitate sozioekonomikoarekin bat datorren gutxieneko soldata" bultzatuko du

#-published-#: 2024/09/16 17:30 (UTC+2) Azken eguneratzea: 2024/09/16 17:30 (UTC+2)

Bigarren lehendakariorde eta Ekonomia, Lan eta Enplegu sailburuak agerraldia egin du Eusko Legebiltzarreko Batzordean, Sailak legealdi honetan dituen helburuak aurkezteko.

Langile bat oso larri zauritu da olioarekin erreta, Mutiloako (Aranguren) jatetxe batean

#-published-#: 2024/09/15 10:58 (UTC+2) Azken eguneratzea: 2024/09/15 10:58 (UTC+2)

Emakumeak erredurak egin ditu buruan, enborrean, besoetan eta hanka batean, irakiten zegoen olioa gainera erorita.

Auto batek langile bat harrapatu du AP-8an, Irungo ordainlekuan, eta ospitalera eraman dute zaurituta

#-published-#: 2024/09/08 19:10 (UTC+2) Azken eguneratzea: 2024/09/08 19:10 (UTC+2)

Arratsaldeko hirurak hamar gutxi aldera gertatu da ezbeharra. Antza, bertatik pasatzen ari zen auto batek aurretik eraman du langilea, oraindik argitu gabe dauden arrazoiak tarteko.

55 urteko behargin bat hil da Arbizun, aldamio batetik erorita

#-published-#: 2024/08/31 17:42 (UTC+2) Azken eguneratzea: 2024/08/31 17:42 (UTC+2)

Ezbeharra Utzubar industrialdeko enpresa batean jazo da, 3 metroko altuera zuen andamio batetik behera erori denean.

Astelehenean Amezketako Aralar paper-fabrikan istripua izandako langile bat hil da

#-published-#: 2024/08/29 15:02 (UTC+2) Azken eguneratzea: 2024/08/29 15:02 (UTC+2)

ELAk eta LABek azpikontratatuta zegoen langilaren heriotza salatu dute eta 24 orduko lanuztea egiteko deia helarazi die langileei.

Baso langile bat hil da Ataunen, zuhaitz bat gainera erorita

#-published-#: 2024/08/22 18:57 (UTC+2) Azken eguneratzea: 2024/08/22 18:57 (UTC+2)

Istripua 14:40ak aldera gertatu da, Lizarrusti guneko mendi eremu batean. Ezbeharra gertatu den lekura Gipuzkoako suhiltzaileak, Ertzaintza eta osasun-zerbitzuak bertaratu dira. Gipuzkoako suhiltzaileek eraman dute hildako langilearen gorpua menditik errepidera, hileta-zerbitzuek eraman zezaten.

Baso-lanetan ari zen langile bat hil da Iurretan, adar batek buruan jota

#-published-#: 2024/08/19 16:51 (UTC+2) Azken eguneratzea: 2024/08/29 16:51 (UTC+2)

Heriotza honekin, 36 dira lan-istripuz Hego Euskal Herrian hildakoak, LAB sindikatuak jakitera eman duenez.

Sindikatuek eraikuntza sektorearen prekarietatea salatu dute Bilbon, Berangoko lan-istripu hilgarriaren ostean

#-published-#: 2024/08/08 14:30 (UTC+2) Azken eguneratzea: 2024/08/08 14:30 (UTC+2)

LAB, ESK, STEILAS, EHNE-etxalde eta HIRU sindikatuek elkarretaratzea egin dute Ascobi/Bieba eraikuntza-patronalak Bilbon duen egoitzaren aurrean. ELA sindikatuak, era berean, Eusko Jaurlaritzaren egoitzan aurrean egin du kontzentrazioa.

63 urteko langile bat hil da Berangon, etxe bateko eraikuntza lanetan

#-published-#: 2024/08/06 18:38 (UTC+2) Azken eguneratzea: 2024/08/06 18:38 (UTC+2)

Atzo izan zen ezbeharra, 15:00ak inguruan. Antza, eraikuntza lanetan ari zela, koadro elektriko bat buru gainera erori zitzaion. Tokian bertan zendu zen. Azken heriotza honekin, gutxienez 35 dira Euskal Herrian aurten lan istripuz hildakoak. Sindikatuek bi protesta deitu dituzte ostegunerako.