EH Bilduk, PSNk, Geroa Baik eta Zurekin talde politikoek aurrekontuak babestu dituzte, eta UPNk eta PPNk aurkako botoa eman dute. 265 milioi euroko aurrekontuak dira, aurreko urtean baino % 32 gehiago, eta zenbateko handienekoak 2007tik.
"Hiruko" exekutiboak eta sozialistek gaur sinatu dute ituna. Hala, 265 milioi euro izango ditu Iruñeko Udalak, 2007tik izandako aurrekontu handiena. EH Bilduren, Geroa Bairen eta Zurekin Nafarroaren ustez, akordioari esker Iruñea "paralisitik aterako da".
Nafarroako hiriburuko alkatearen arabera, gobernu itunak "heldutasun handia" du, eta Nafarroako Gobernuarekin duten harreman onari esker, zenbait proiektu "desblokeatzea" lortu dute.
Joseba Asiron Iruñeko alkatearen esanetan, UPNko kideek "frustrazioa ezin izan dute oraindik gainditu eta Iruñeak ez du hori merezi". "Iruñeak behar du oposizioa, baita Cristina Ibarrolaren lana eta alderdia ere, baina espero dut behingoz gaindituko dutela fase hau", gaineratu du.
Joseba Asiron (EH Bildu) alkatetzara iritsi osteko lehen bileran, Cristina Ibarrola erregionalistaren aurkako zentsura-mozio bat onartzearen ondorioz, besteak beste, Udal berriak bultzatzen duen Etxebizitza Sozialerako Plana aztertu dute.
EH Bilduk eta PSNk Iruñeko zentsura mozioa adostu zutenean, Nafarroako Udal eta Kontzejuen Federazioa utzi eta elkarte berri bat sortuko zutela iragarri zuten erregionalistek. Neurriaren aurrean, Federazioa babesteko ekimena aurkeztu du PSNk Foru Ganberan.
Iruñeko alkate izendatu zutenetik egin duen lehen agerraldian, Joseba Asironek (EH Bildu) "indarkeria jasan duten biktima guztien aitortza eta erreparazioa" defendatu du, "baita ETAren biktimena ere, noski".
Joseba Asiron Iruñeko alkatea udaletxeko balkoira atera da makila Udaletxe plazan bildutako jendetzari eskaintzera. Asironek garai berri bat agindu die iruindarrei.
Esther Martinez PPren Bilboko bozeramaile eta Euskadiko Popularren idazkari nagusiak adierazi duenez, "ezin dugu topa egin erakundeak helburu ez-duinetarako erabiltzen dituztenekin", Iruñean Joseba Asiron alkate izendatzeko Cristina Ibarrolaren aurka egindako zentsura-mozioaren harira.
Popularrek adierazi dute bai Asironek eta baita Ibarrolak ere hamar minutuko hitzaldia egiteko eskubidea dutela, baina Mahaiko presidenteak azpimarratu du hitzaldiek gehienez sei minutukoak izan beharko direla. PPNk neurriak hartuko dituela iragarri du.
Saioa 12:00etan hasiko da. Ibarrolaren esanetan, mozioaren ostean "burua tente eta ate nagusitik" aterako da Udaletxetik. UPNk afiliatuak deitu ditu Ibarrola babesteko. Bestalde, Asironek "begirunea, lasaitasuna eta poza" eskatu ditu.
Gaur arratsaldean sinatu dute Iruñeko Udalerako adostu dute gobernu programa Joseba Asiron (EH Bildu), Mikel Armendariz (Geroa Bai) eta Txema Mauleonek (Zurekin Nafarroa). Aniztasuna eta elkarrizketa ardatz izango dituen ituna dela esan dute.
Gobernu akordioak 60 ekintza zehazten ditu. Alkatetza eta sei zinegotzi delegatu EH Bildurenak izango dira, Geroa Baik Sustapen Ekonomikoa eta Europako Proiekzioa hartuko ditu bere gain eta Zurekin Nafarroak Gizarte Ekintza kudeatuko du.
Hala aurreratu du Txema Mauleon Zurekin Nafarroako zinegotziak, eta negoziaketak norabide egokian doazela adierazi du. Bien bitartean, hiriko ordenantza fiskalak onartzeko ez ohiko bilkurarik ez duela egingo berretsi du Cristina Ibarrola Iruñeko alkateak.
Hiru taldeek idatzi bat sinatu dute ohartaraziz hitzordu hori egin ezean, Ibarrola bera izango dela erantzule nagusia, ezin izango baita ekarpenaren eguneratzea berreskuratu. Galera milioi laurden baino gehiagokoa izango litzatekela uste dute.
Bilera horretan 2024rako hiri-kontribuzioari buruzko ordenantza fiskala onartu behar zela gogorarazi dute EH Bilduk, PSNk, Geroa Baik eta Zurekin koalizioak, eta gertatutakoa "arduragabetzat" jo dute. Txanponaren beste aldean, Ibarrolak uste du Asironekin baztertu egin direla proiektu asko.
Horrela, Asiron Geroa Bai eta Zurekin indar politikoekin harremanetan jarri da, Gobernu programa bateratu bat adosteko bidean aurrera egiteko. Bitartean, UPNk, iragarri bezala, Nafarroako Udal eta Kontzejuen Federazioa utzi du.
Gaur goizean, Cristina Ibarrolaren aurkako zentsura mozioa erregistratu dute EH Bilduk, PSNk, Geroa Baik eta Zurekin Nafarroak. Okerrik ezean, Joseba Asiron (EH Bildu) egingo dute Iruñeko alkate abenduaren 28ko osoko bilkuran.
PSNko antolakuntza idazkariak adierazi duenez, "erabaki ausartekin eta aurrera pausoak emanez bakarrik egin ahal izango dugu aurrera gizarte bezala eta elkarbizitzaren alde egin".
EH Bilduk Iruñeko Udalean duen bozeramaileak iragarri du ostegun honetan bilera sorta abiatuko duela bloke aurrerakoia osatzen duten talde politikoekin, gobernua osatzeko asmoz. Miren Zabaletak, bere aldetik, Iruñerako akordioa dela nabarmendu du.
Joseba Asironek eskerrak eman dizkie zentsura-mozioa sinatu duten indar politiko guztiei. Gainera, bihartik aurrera bloke aurrerakoiko gainerako alderdiekin harremanetan jarriko dela iragarri du.
Patxi Lopezek zentsura-mozioa justifikatu du, eta azpimarratu du Iruñeko Udala "geldirik" dagoela, "inorekin inolako akordiorik lortzeko gai ez den" gobernu-talde bat duelako buru, eta hiru urte daramatzalako Aurrekonturik onartu gabe.
Cristina Ibarrola (UPN) alkatearen aurkako zentsura-mozioa adostu dute Iruñeko Udaleko oposizioko alderdiek, eta, ezustekorik ezean, Joseba Asiron (EH Bildu) izango da berriro alkate.
Iruñeko Udala osatzeko sei egun falta direnean, EH Bilduk akordio programatiko bat proposatu die gainerako indar progresistei, baita gobernu ekintza zuzenduko duten oinarrizko printzipio batzuk ere.
Joseba Asiron EH Bilduko Iruñeko alkategaiak Egun On Euskadi saioan azpimarratu du alderdi aurrerakoiak elkarrekin aritu direla lanean legealdian, eta ez duela ulertzen orain jarritako bazterketa.
Koldo Martinezek argitu du ez dutela Elma Saiz hautagai sozialista babestuko, baina "blokeoa" gainditzearen beharraz eta hiriburuan gobernu aurrerakoia izateko aukera ez galtzeaz mintzatu da. "Salbuespeneko blokeoei salbuespeneko irtenbideak bilatu behar dizkiegu", arrazoitu du.