EAEko Aurrekontuak 2020

Goizeko lehen ordutik, Noel D'Anjou Ogasun eta Finantza sailburuak oposizioko alderdi guztiak deitu ditu banan bana bere proposamen berria helarazi eta babesak bilatzeko helburuz. Lehen bileran alderdiek egindako hainbat eskaera txertatu ditu bere eskaintzan.

Pello Otxandiano EH Bilduren bozeramaileak azaldu du "sakon" aztertuko dutela Jaurlaritzak aurrekontuen harira egindako proposamena. Halaber, argitu du koalizioak fiskalitatea negoziaziotik ateratzea planteatu duela horren inguruko "goi mailako eztabaida baten truke".

Laura Garrido PPko bozeramaileak esan du bere taldeak "negoziatzeko borondateari" eusten diola akordioa lortzen saiatzeko, baina ohartarazi du Gobernu autonomikoak bere politikei "erabateko bira" ematen ez badie, ez dela aukerarik egongo aurrekontuetan akordio bat lortzeko.

Jon Hernandez Sumarreko legebiltzarkidea Noël D'Anjou Ogasun eta Finantza sailburuarekin bildu da, 2025eko aurrekontuak babesteko balizko hurbilketa bat aztertzeko, baina alderdiak "oso, oso aukera gutxi" ikusten ditu.

Eusko Jaurlaritzaren 2025ko aurrekonturako EH Bilduk egindako proposamenean garrantzi berezia du etxebizitzaren alorrak. Hala, datorren urtean EAEn liberalizatuko diren babes ofizialeko 2.500 etxebizitzak Jaurlaritzak erostea proposatu du koalizioak, Petxo Otxandiano EH Bilduko kideak azaldu duenez.

Bileran, etxebizitza, soldata eta zaintza politikak "birbideratzea" proposatu dio EH Bilduk Eusko Jaurlaritzari. Kanpoan geratu da Osasungintza, izan ere, EH Bilduren ustez, Osasun mahaia martxan dagoen bitartean, eremu horretan eztabaidatu behar da.

PSE-EEren idazkari nagusiak "Calimero sindromea" izatea leporatu dio koalizio abertzaleari, hots, besteok "kasu egiten ez diogula esaten ibiltzea uneoro". Gogorarazi dio oposizioan dagoela eta "akaso daukaten errealitatea ez onartzea" dela euren arazoa.

Laura Garrido legebiltzarekideak adierazi duenez, "segurtasunean eta osasungintzan ez dago diru nahiko hartutako konpromisoak martxan jartzeko. Horregatik eskatzen dugu diru gehiago bi arlo hauetan". "Aztertuko dutela eta erantzungo digutela esan digute", gaineratu du.

Jon Hernandez Sumarren legebiltzarkideak adierazi duenez, Jaurlaritzak aurkeztu dizkien kontuak "ez dira Euskadi berri baterako aurrekontu berriak". Hala eta guztiz ere, koalizioak hobekuntzak proposatu dizkio Eusko Jaurlaritzari zazpi arlotan, eta beste bilera bat egiteko prest agertu dira.

Lehendakariak EH Bilduri erantzun dio Eusko Jaurlaritzak aurrekontuen inguruan akordio bat lortzeko duen borondatea "zintzoa" dela, eta gaineratu du "negoziaziorako unea" dela, "herri honetako pertsona guztien onerako akordioa lortzeko elkarrizketarena".

Javier Hurtado Turismo, Merkataritza eta Kontsumoko sailburuak azaldu duenez, sailaren 2025erako aurrekontua 57,8 milioi eurokoa da, aurtengoa baino % 8,3 gehiago, eta horietatik erdia inguru laguntza-programetara bideratuko da.

Zatirik handiena, 400 milioi, unibertsitate sistemari dagokio. Beketara bideratutako dirua aurten % 6 baino gehiago izango da. Hala ere, ikerketarako eta berrikuntzarako kopuruetan jarri du azpimarra sailburuak. Horretan, % 10 gehituko da aurrekontua.

Profesionalen gabezian arreta jarrita, Alberto Martínez sailburuak LEP bat iragarri du datorren urtearen amaierarako. Lan eskaintza honek 2023koa, 2024koa eta 2025ekoa bilduko ditu, eta 3000 plaza eskainiko dira.

Pradales lehendakariak azpimarratu duenez, kopuru horrek "gaurko eta biharko Euskadi eraikitzeko" balioko du, zerbitzu publikoak, inbertsioa eta "komunitatearen zentzua" lehenetsita.

Nerea Kortajarena EH Bilduko legebiltzarkidearen arabera, "ez da egokia" beren interes pertsonalen alde egiten dituztenak "besarkatzea", eta, aldiz, herritarren interesak "erdigunean" jartzen dituztenen proposamenei "muzin" egitea. "Gure proposamenek mahai gainean jarraitzen dute", gehitu du.

Lehendakariak adierazpen laburra egin du Legebiltzarraren atarian, koalizio abertzaleak atzo prentsaurrekoan azaldutako 2025erako aurrekontuen proposamen globalaz. EH Bilduri esan dio "aurrekontu bat egitea ez dela hauteskunde programa bat egitea" eta proposamenak "errealista" behar duela izan.

Pello Otxandianok aurkeztutako ekimenak etxebizitza, gutxieneko soldata, zaintza eta trantsizio ekosoziala jarri ditu erdigunean, "orain arte herritarren beharrei erantzun egokirik eman ez dieten politika publikoen norabidea zuzentzeko".

Kopurua iazkoa baino handiagoa izango den arren, mutualistei ustekabean egin beharreko itzulketek espero baino diru gutxiago utziko dute.

Oraindik ikusteko dago mutualistei itzuli beharrekoak foru-ogasunetan zer-nolako zuloa utziko duen, eta, hortaz, datorren urteko aurrekontuei begira, zorpetzeko aukera mahai gainean duela aitortu du Noel d'Anjouk. Aukera horrek, baina, "ez luke helburu zehatz bat izango".

EH Bilduko bozeramaileak adierazi duenez, Pradales lehendakariarekin egindako bilera "oso ondo" joan da. "Herri honi bultzada berri bat emateko aukera marrazten da", adierazi du Otxandianok. Osakidetza eta estatus politiko berria izan dituzte, besteak beste, mintzagai Pradalesek eta Otxandianok.