Elisabet II.a erregina

Elizabeth II.a erreginaren gorpuzkiak Windsor gazteluko San Jorge kaperan sartu dituzte jada, errege-familiako eta beste errege-etxe batzuetako kideek egin duten zeremonia erlijiosoaren ondoren.

55 minutuko elizkizuna amaitu denean bi minutuko isilunea gorde dute herrialde osoan. Ondoren, berriro ere prozesioan eraman dute gorpua Buckingham inguruan dagoen Wellington Arkuraino. Atzetik oinez seme-alabak eta ilobak zituela, denen buru Charles III.a erregea.

Elizabeth II.aren hileta-prozesioa Londreseko erdigunean barrena doa, Westminsterko Abadian egin den estatu-hiletaren ondoren.

Hilkutxa 1901eko Royal Navyko kanoi-gurdi baten gainean jarri dute eta itsas armadako ehun marinelek baino gehiagok sokaz tiratua eraman dute.
Atzetik, berriz, Charles III.a erregea eta bere hiru anaiak joan dira, baita Guillermo eta Enrique printzeak ere, Elizabeth II.aren bilobak.

Hileta 12:00etan hasiko da Westminster abadian. Aurreikuspenen arabera, Elizabeth II.aren gorpuzkiak dituen hilkutxa 11:30ean eramango dute Westminster Halletik abadiara.

Elisabet II.aren hil-kapera gaur goizean amaitu da Westminsterreko Aretoan, Parlamentu britainiarraren zatirik zaharrenean. Irailaren 8an hil zen erreginaren estatu-hileta gaur ospatuko da Londresen.

Juan Carlos I.a eta Sofia errege-erregina emerituak Buckinghamen izan dira igande honetan, Charles III.aren harrera-ekitaldi batean. Ordu erdi geroago iritsi dira Felipe VI.a eta Letizia errege-erreginak.

10.000 agentek baino gehiago osatuko dute segurtasun dispositiboa, eta inoizko operaziorik handiena izango da; Londres erabat blindatuta dago. 13 orduko itxaronaldia gorde behar dute erreginaren beilatokira sartu nahi dutenek.

Biden bikotea eta Japoniako enpreadore-enperatrizak Londresen daude biharko hiletan egoteko. Arratsaldean hil kaperan izango dira. Gonbidatu guztiei harrera egingo die Charles III erregeak Buckinghameko jauregian. Atzerritik etorritako 500 agintarien artean Felipe VI eta Letizia egongo dira.

Elizabeth II.a erregina bertatik bertara agurtzeko asmoz Westminsterreko Jauregian etengabea da jende emana oraindik ere. Arratsaldean, William eta Harry printzeek amonaren zerraldoaren ondoan otoitz egingo dutela aurreikusten da.

Sustoa egon da erreginaren hil-kaperan gaur goizean. Guardietako bat zorabiatu da eta lurrera erori da. Ondoko guardia mugitu ere ez, protokolo zorrotzak ez du baimentzen eta. Polizia azkar batean gerturatu da eta atera dute gizona. Eguneko anekdota izan da.

Theresa May lehen ministro ohia eta bere senarra Elisabet II.a erreginaren hil-kaperan izan dira gaur goizean, Londresko Westminster jauregian.

Elizabeth II.aren hil-kapera Erresuma Batuko Parlamentuan dago, eta ateak ireki ditu Londres erdialdean ilaran dauden milaka herritarrek bisita dezaten.

Elizabeth II.aren zerraldoa Westminster jauregian dago jada. Charles III.a erregea eta Guillermo eta Enrique printzeak izan dira erregearen segizioaren buru, eta txaloka hartu dituzte kaleetan.

Michelle Donelan Erresuma Batuko Kultura ministroak adierazi du "30 ordu arteko" ilarak espero dituztela Elizabeth II.aren hil kapera ikusteko.

Eskoziako Parlamentuak bi minutuko isilunea gorde du erregina zenaren omenez, eta erregeari babesa eman dio. Amaren bideari eutsi, eta eskoziarrentzat onena nahi duela esan du Erresuma Batuko erregeak.

Denbora luzez zain egon ostean, banaka banaka ari dira erreginaren zerraldo ondotik igarotzen herritarrak. Jendetza batu da gaur arratsaldean Edinburgoko Saint Giles katedralaren atarian, Elizabeth bigarrenari azken agurra emateko.

Elizabeth II.aren hilkutxa Edinburgoko Saint Giles katedralean dago jada, eta, bertan, eskoziarrek agur esan ahal izango diote asteartera arte.

Milaka pertsona kalera atera dira Elizabeth II.aren gorpua Balmorango gaztelutik Eskoziako hiriburura eraman duen hileta-segizioa igaro denean.

Elizabeth II.aren senitartekoak joan dira zerraldoaren atzetik, segurtasun dispositibo zabalarekin batera.

Hollyroodhouseko jauregia izango da helmuga, Eskoziako hiriburuan. Astelehenean hil-kapera jarriko dute St. Giles katedralean.

Astelehenean abiatuko da gorpua Balmoraleko gaztelutik, eta gau partean iritsiko da Edinburgora. 24 orduz egongo da hilkutxa Saint Giles katedralean.

"Erantzukizun hauek hartzean, jasotako eredu inspiratzailea jarraitzen ahaleginduko naiz, gobernu konstituzionala defendatuz", esan du Charles III.ak bere izendapenaren ostean.