Eguneko Titularrak

Europako Parlamentuak argi berdea eman dio Ursula Von der Leyenen Europako Batzorde berriari: aldeko 370 boto, kontrako 282 boto eta 36 abstentzio. Alberto Nuñez Feijooren PPk Teresa Riberaren aurka bozkatu du.

Datu kezkagarriak azaleratu ditu Gurea Geroa plataforma digitalak Hego Euskal Herriko gazteen artean egindako inkestak. % 55ek diote antsiolitikoak hartzeko beharra izan dutela.

Victor de Aldamak Copen egindako elkarrizketa batean esan duenez, bere segurtasunaren beldur da, eta bere familiari zerbait gertatuko balitzaio, 'dagokionaren aurka joko duela'.

Pertsona asko eta asko Libanoko kaleetara atera dira Israelekin su-etena indarrean sartu dela ospatzeko. Horrez gain, tokiko telebistek jendearen auto karabanak erakutsi dituzte, euren etxeetara itzultzen.

Joxerra Bengoetxea izango da Euskal Herriko Unibertsitateko (EHU) errektore berria, gaur hauteskundeak irabazi ostean. Hauteskundeetan izandako parte-hartze handia azpimarratu du Joxerra Bengoetxeak bere hitzaldian.

Orain arte EHUko errektorea izan denak jasotako babesa eskertu nahi izan du. "Kanpaina bizia izan da eta gaur unibertsitateko komunitateak hitz egin du eta Bengoetxea irakaslea hurrengo errektorea izatea erabaki du", gaineratu du Ferreirak.

Joxerra Bengoetxea buru duen hautagaitzak irabazi ditu Euskal Herriko Unibertsitateko (EHU) hauteskundeak, eta Bengoetxea izango da euskal unibertsitate publikoko errektore berria.

Beren bizitza eta enpresa ibilbideagatik nabarmendu diren euskal enpresariei ematen die urtero Jaurlaritzak Joxe Mari Korta saria. Imanol Pradales lehendakaria buru izan duen ekitaldia Miramongo Parke Teknologikoan egin da.

Kirol instalazioak egiten dituzten 26 euskal enpresa Mexikon eta Marokon dabiltza merkatu berriak ireki nahian. Mexikok 2026ko munduko txapelketa antolatuko du, eta Marokok 2030ekoa.

Atarrabian gerra garaian fusilatutako bertako herritarrak izan dituzte gogoan. 1936ko azaroaren 26an Atarrabian erail zituzten herriko 16 gazteen oroitzapenez jarri dute hilerriaren kanpoaldean.