EITB Dataren beste ale bat, ostalaritza ardatz hartuta, ostiral honetan

Zein da Euskal Herriko ostalaritzaren egungo egoera? Zenbat taberna eta jatetxe daude? Zein da lokal gehien dituen herria? Eta hiria? Zenbat gastatzen dugu euskaldunok ostalaritzan? Nolakoa izan da kontsumoaren eboluzioa azken urteetan? Galdera horiei guztiei erantzuna emango die EITBk ostiral honetan argitara emango duen EITB Data txostenak. 

Datu horiek oinarri hartuta, sektorearen aktualitatea sakon aztertuko dute EITBko hedabideetako albistegietan eta saioetan. Halaber, etorkizunari begira ere jarriko dira, egungo joeretatik abiatuta.