1.103 forma berri batu ditu Euskaltzandiak Hiztegira: enpaste, adimen artifizial…  

Euskaltzaindiak 1.103 forma berri jaso ditu bere azken sei hilabeteetan Hiztegian (386 sarrera, 434 azpisarrera eta 283 ohiko lexia). Gainera, Akademiak 2.524 forma moldatu edo findu ditu. Hartara, 50.535 forma jasotzen ditu egun Euskaltzaindiaren Hiztegiak, 68.198 adiera, 111.193 adibide eta 519 esaera zahar.

Euskaltzaindiak etengabe osatzen eta berrikusten du hiztegia, eta urtean bitan sareratzen ditu berrikuntzak. Oraingo berrikuntzan, hitz hauek sartu dira, adibidez: flexo, fobiko, enpaste, biorritmo, adimen artifizial, arrain urdin, arrain zuri, hezurrak hautsi, korronte alterno, lasaitua hartu, gaupasa egin eta greba egin.