Alaphilippek gidatuko du Soudal taldea Tourrean

Julian Alaphilippe frantziarra larunbat honetan Bilbon hasiko den Frantziako Tourrean izango da berriro Soudal Quick Step taldearen buru. Errepideko Munduko Txapelketa bi aldiz irabazitakoak ezin izan zuen lasterketan parte hartu joan zen denboraldian, lesio bat tarteko.

Hartara, Alaphilippe bere lasterketara itzuliko da, 2021ean azken aldiz parte hartu ondoren. Frantziarra mendiko erregea izan zen 2018ko ekitaldian, eta bosgarren bukatu zuen sailkapen nagusian 2019an, 14 egunez maillot horia jantzi ondoren. Oran arte zazpi etapa garaipen erdietsi ditu, eta kopuru hori areagotzen saiatuko da.

"Irrikaz espero dut Frantziako Tourra, beti da urteko sasoi zirraragarrienetakoa. Bilbon izango den etapa ikuskatzera joan nintzen, eta asteburu polita eta gogorra izango dela esan diezazueket", adierazi du txirrindulari frantziarrak.

Alaphilipperekin batera, Fabio Jakobsen Europako txapelduna, iazko lasterketan etapa irabazi zuena, Kasper Asgreen Danimarkako erlojupeko txapelduna, Rémi Cavagna Frantziako erlojupeko txapelduna, Tim Declercq, Dries Devenyns, Yves Lampaert eta Michael Mørkøv egongo dira.