Hindleyk irabazi du etapa, Pello Bilbao hirugarren eta Kelderman da lider berria

Jai Hindleyk (Sunweb) irabazi du Italiako Giroko 18. etapa, Stlevion amaitu eta 207 kilometroko ibilbidea izan duena. Joao Almeidak (Deceuninck-Quick Step) lidergoa galdu du eta Wilco Kelderman (Sunweb) da elastiko arrosaren jabe berria.

Stelvioko igoera ikusgarria izan da. Txirrindulariek 2.758 metroko altueran dagoen mendatea igo behar izan dute etapa amaitzeko, eta tropelean triskantza eragin du. Jai Hindley eta Tao Geogheghan (Ineos) ihes eginda iritsi dira azken metroetara eta esprintean nagusi izan da Hindley.

Pello Bilbao (Bahrein-McLaren) hirugarren izan da etapan, lan bikaina eta erakustaldia eman ostean. Kelderman da lider berria eta Pello Bilbao laugarren da sailkapen nagusian, liderrarengandik 1'19"ra.

Etxeondoren lehiaketa

Parte hartu egunero Ez da Giro! saioak martxan jartzen duen lehiaketan, eta asmatu zein den hiru pisten atzean ezkutatuta dagoen txirrindularia. Erantzun zuzen guztiak Etxeondo etxeko maillot eta kulot baten zozketan sartuko dira.