Taldeko lehen postuari eutsi nahi dio IDK-k Grezian, Proteas Voulasen kontra

IDK Euskotren taldeko lehen tokian dago gaur egun, Eurocup txapelketan. Lidertza hori sendotzeko aukera du ostegun honetan, Grezian, Proteas Voulas menderatzen badu, puntu bakarrera baitu. 19:30ean hasiko den norgehiagoka zuzenean ikusteko aukera emango du ETB4k eta eitb.eus-ek.

Azu Muguruzak entrenatzen duen taldeak ez du oraindik neurketarik galdu multzoen fasean, Izar Gorria Belgraden eta Sepsi SIC Errumaniako taldearen aurrean oso saskibaloi sendoa erakutsita. Horrenbestez, aldez aurretik zuen faborito etiketa baieztatu dute Donostiakoek.

Endesa Ligan, garaipen esanguratsua eskuratu zuen Estudiantesen aurka joan den asteburuan, lehen bi norgehiagokak galdu baitzituen.

Taldekideei dagokienez, Iris Mbulito jokalari kanariarra zalantzan dago, Izar Gorria Belgraderen kontrako hitzorduan, C taldeko lehen jardunaldian, min hartu baitzuen; ordutik, ez du gehiago parte hartu. Halvarsson pibotaren lan bikaina Mbulitoren falta ordezkatzen ari da. Besteak beste, 15 puntu saskiratu zituen ligako azken partidan, eta puntu gehien lortu zituen jokalaria izan zen.