Sami Hillek Kutxabank Araskin jarraituko du

Sami Hillek Kutxabank Araskirekin duen kontratua berritu du beste urte baterako, astearte honetan klubak baieztatu duenaren arabera. Horrenbestez, kanpoaldeko jokalari kanadiarrak bigarren denboraldia beteko du talde arabarrean. Endesa Ligan jokatutako lehen urtean, taldean puntu gehien egin dituen bigarren jokalaria izan da. Guztira, 289 puntu saskiratu ditu Hillek, batez beste 9,6 partida bakoitzean, 81 errebote hartu eta 40 asistentzia banatzeaz gain. 

Kutxabank Araskirekin berritu ostean, uda berezia du aurretik Hillek; izan ere, Olinpiar Jokoetan hartuko du parte lehen aldiz, Kanadarekin.

"Garbi genuen Samiri kontratua berrituko geniola. Jokoaren arlo guztietara heltzen da, bai erasoan bai defentsan. Gainera, jokalari jakintsua da ekintzetan", azaldu du Made Urieta Kutxabank Araskiren entrenatzaileak.

¿¿ ¿¿¿¿¿ ¿¿@SamiHill4 cumplirá su segunda temporada de verde ¿

¿ https://t.co/yIV0goM18O#ConstruyendoSueños #AmetsakEraikitzen #LFEndesa pic.twitter.com/JBLMu1UW6a

— Araski AES (@Araski) June 4, 2024