Saskibaloia
Eurokopa
EITB Media
Malosten jokatuko da euskal eta frantziar taldeen arteko Eurokopako norgehiagoka, 20:00etan. Bizkaitarrek garaipena lortu behar dute txapelketako final-zortzirenetarako atariko kanporaketarako sailkapena bermatzeko.
Lehen itzuliko Flammes Carolo - Lointek Gernika Bizkaia partidako irudia. Argazkia: @GKesb
Lointek Gernika Bizkaiak Flammes Caroloren aurka jokatuko du Malosten asteazken honetan Eurokopako partida, eta Bizkaiko taldeak garaipena behar du txapelketa honetako final-zortzirenetarako atariko kanporaketarako sailkapena bermatzeko. Norgehiagoka 20:00etan hasiko da, eta zuzenean eskainiko dute eitb.eus-ek eta ETB4k.
Hamabi multzoetako lehen eta bigarren sailkatuek aurrera egingo dute txapelketan, baita zortzi hirugarren onenek ere. Lointek Gernika Bizkaia bigarren dago H multzoko sailkapenean, bi garaipen eta hiru porroteko balantzearekin; Flammesek ere balantze bera du. Lehen itzuliko neurketan, Gernika-Lumoko taldeak 50-57 garaitu zuen Frantziako taldea.
Garaipena lortuz gero, Lointek Gernika Bizkaiak hurrengo faserako txartela lortuko du; galduz gero, ordea, kanporatuta gera liteke hirugarren onenen artean sartu ezean edo laugarren izateagatik Virtus Boloniak La Roche Vendee multzoko liderrari irabazten badio.
Hurrengo zuzenekoak
27 | 22:10 - 00:30 | ZESTA-PUNTA | Araba Euskaraz: Erkiaga-Del Rio vs Barandika-Lekerika |
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa