Artola prest da Binakakoaren 3. jardunaldiko partida jokatzeko, eta Larrazabalek Peña II ordezkatuko du

Iñaki Artola abenduaren 13an estreinatuko da 2024-2025 Binakako Txapelketan. Alegiakoa (Gipuzkoa) baja izan zen lehen bi jardunaldietan eta datorren ostiralean itzuliko da txapelketara. Artolak bikotea osatuko du Mariezkurrena II.arekin eta Jaka-Imaz bikotea izango dute aurkari, Urretxun (Gipuzkoa).

Bestalde, egun berean, abenduaren 13an, Jon Ander Peña baja izango da eta Iker Larrazabalek ordezkatuko du. Larrazabal Albisurekin ariko da Lasoren eta Iztuetaren kontrako Zornotzako (Bizkaia) partidan. Larrazabalek Artola ordezkatu zuen lehen bi jardunaldietan, Mariezkurrena II.arekin bikotea osatuta. Amurriokoak, Mariezkurrena II.arekin batera jokatu zuen Laso-Iztueta bikotearen aurka 1. jardunaldiko partida eta 9-22ko emaitzarekin galdu zuen.