Binakako Txapelketa 2022: Eusko pilotaren azken orduko albisteak - EITB Binakako txapelketa
Binakako txapelketa
Prest dago
EITB Media
Jose Javier Zabaletak ezin izan zuen jokatu ligaxkako azken-aurreko jardunaldiko norgehiagoka, eskuineko izterrean min zuelako. Hala ere, hobeto dago jada, eta otsailaren 17an bikotea osatuko du Peio Etxeberriarekin, Artolaren eta Imazen kontrako lehian.
Jose Javier Zabaleta,ilotaria. Argazkia: EITB Media
Jose Javier Zabaletak erabaki du Binakako Txapelketako ligaxkako azken jardunaldiko partida jokatzea. Beraz, Etxarrengoak (Nafarroa) bikotea osatuko du Peio Etxeberriarekin, otsailaren 17an, Artolaren eta Imazen kontrako partidarako.
Zabaletak ez zuen jokatu ligaxkako azken-aurreko neurketa, eskuineko hankako izterrean min zuelako. Erostarbek ordezkatu zuen, eta Etxeberriarekin batera, galdu egin zuen Peña II.aren eta Albisuren kontra (22-10).
Peio Etxeberria-Zabaleta eta Artola-Imaz bikoteen arteko neurketan sailkapeneko bigarren postua egongo da jokoan. Irabazten duenak bigarren amaituko du ligaxka, eta horrek finalerdietako ligaxkarako txartela bermatzen du.
Norgehiagoka zuzenean eskainiko dute eitb.eus-ek eta ETB1ek otsailaren 17an, larunbatean, 17:15ean.
Hurrengo zuzenekoak
02 | 20:30 - 22:00 | TXIRRINDULARITZA | Italiako Giroaren aurkezpena |
24 | 22:15 - 00:30 | ERREMONTEA | ''Erremontari'' saioa |
Ezagutu 2023ko Tourrari buruzko informazio guztia: Etapa profilak, sailkapenak, bideo interesgarrienak.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa