Real Madril, final-zortzirenetara; Dortmundek 8-4 irabazi dio Legiari

Real Madrilek Txapeldunen Ligako final-zortzirenetarako txartela lortu du Sporting Portugali 1-2 irabazita. F multzoko beste partidan Borussia Dortmundek 8-4 irabazi dio Legia Varsoviari. Borussia Dortmundek (13 puntu) eta Real Madrilek (11 puntu) multzoko lidergoa izango dute jokoan azken jardunaldian Santiago Bernabeun.

G multzoan Leicesterrek matematikoki lortu du lehen postua Brujasi 2-1 irabazita. Kobenhavnek eta Portok golik gabe berdindu (0-0) dute. Portugaldarrak bigarren dira 8 punturekin eta danimarkarrak hirugarren, 6 punturekin. Azken jardunaldian final-zortzirenetarako txartela izango dute jokoan.

Juventusek hurrengo fasera sailkatzea lortu du Sevillari irabazita (1-3). Olympique Lyonek 0-1 irabazi dio Dinamo Zagrebi eta sailkatzeko aukerekin jarraitzen du. Juve H multzoko liderra da 11 punturekin, Sevilla da bigarren 10 punturekin eta Olympique Lyon hirugarren, 7 punturekin. Lyonek eta Sevillak final-zortzirenetara saikatzea izango dute jokoan Frantzian. Andaluziarrei gol bategatik gakzeak balio die sailkapena eskuratzeko.

Bestalde, E multzoan Monaco eta Bayer Leverkusen hurrengo fasera sailkatu dira. Monacok 2-1 irabazi dio Tottenhami eta Leverkusenek CSKAren aurka bana (1-1) berdindu duen arren, sailkapena lortu du. Monakok multzoko lehen postua bermatu du, eta Leverkusen bigarren izango da. Tottenhamek (4 puntu) eta CSKAk (3 puntu) Londresen bilatuko dute Europa Ligarako txartela azken jardunaldian.