Arsenal-PSG, gaurko partida handia

Gaur jokatuko dituzte Txapeldunen Ligako bosgarren jardunaldiko partidak A, B, C eta D multzoetan dauden taldeek. Jardunaldia 18:00etan hasiko da, Rostov-Bayern neurketarekin; 18:45ean, Besiktas-Benfica lehia jokatuko da, eta 20:45ean hasiko dira beste partida guztiak.

Arsenal-PSG da eguneko partida handia. Bi taldeak 10na punturekin daude A multzoaren lehen bi postuetan. Sailkatuta daude, baina multzoko lidergoa dute jokoan. Ludogorets-Basel izango da beste partida. Hirugarren postua izango dute jokoan, Europa Ligarako sailkapena ematen duena.

B multzoan, Benfica (7 puntu) liderrak Besiktas (6 puntu) taldearen aurka jokatuko du Turkian, eta Napolik (7 puntu) Dynamo Kiev (1 puntu) izango du aurkari Italian. C multzoan, Atletico Madrilek (12 puntu) PSVren (puntu 1) kontra jokatuko du Calderonen, eta Bayernek (9 puntu) Rostoven (1 puntu) zelaian jokatuko du.

C multzoko liderrak, Bartzelonak (9 puntu), Celticen (2 puntu) aurka joktuko du Glasgown. Multzoko beste partidan, Borussia Mönchengladbach (4 puntu) eta Manchester City (7 puntu) lehiatuko dira.