Griezmann, Illarra eta Iñigo Martinez ostegunean itzuliko dira lanera

Philippe Montanierrek ostegun honetan entrenatuko du lehen aldiz jokalari guztiekin. Iñigo Martinez, Asier Illarramendi eta Antoine Griezmann nazioarteko partidak jokatzetik datoz, eta ostegunean hasiko dira Atletico Madrilen aurkako partida prestatzen.

Cadamurok asteleheneko entrenamendua galdu zuen, eta Montanierrek ez zituen bi lan saioa zuzendu entrenatzaileen kurtso batera joan zelako. Realak ez du nahi bezala prestatu Atletico Madrilen aurkako partida, baina jokalariak baikor azaldu dira.

“Partida polita eta intentsitate handikoa izango dela uste dut. Iaz bigarren minutuan sartu ziguten gola, eta partida hura ahaztu nahiko nuke", adierazi du Mikel Gonzalezek. Atletico Madril egiten ari den joko onarekin harrituta dagoela ere esan du Realeko erdiko defentsak.