Reala ere hasi da 2012-2013 denboraldia prestazen

Realak astelehen honetan ekin dio 2012-2013 denboraldiaurreari Zubietan entrenamendua eginda. Demidov, Bravo eta Griezmann izan ezik, gainerako guztiek hartu dute parte lehen lan saioan.

Iker Hernandez eta Enrique Royo harrobiko jokalari gazteak izan dira berritasunetako batzuk 'Chory' Castro fitxaketarekin batera. Mikel Aranbururen joanak lekua egin du zelai-erdian, eta Ruben Pardok zein Javi Rosek bete dezakete postu hori datorren denboraldian. Bi gazteez gain, Gonzalo Castrok ere bereganatu du arreta gehiena. Bera izan da arratsaldeko aurpegi berri bakarra.

Philippe Montanierren bigarren urtean, frantziarraren igurtzia sumatu da dagoeneko Zubietan. Bihartik hasita, goiz eta arratsaldeko saioetan ariko dira lanean jokalariak.