Rulli atezainaren zain dago Jagoba Arrasate

Jagoba Arrasatek, Realeko entrenatzaileak, Geronimo Rulli atezain argentinarra taldean izatea espero du. Klubarekin negoziatzen ari da. Esteban Granero taldean mantentzearen alde ere agertu da. Queens Park Rangerseko erdilariak bigarren urtez jokatuko luke Realean.

Realarekin lagapen bat sinatzetik gertu dago Rulli. Jagoba Arrasaterentzat, atezain "osoa da, gaur egungoa, eta proikzioa dauka".

Esteban Granero mantentzea ere Arrasateren helburua da. Iazko denboraldian ezer gutxi jokatu zuen, belaunean izandako lesioagatik. "Ez da erraza izango, hiru aldeen eskuetan dagoelako, eta ez dakit zer gertatuko den", esan du Arrasatek.

Entrenatzaileari Antoine Griezzman jarraitzea ere gustatuko litzaioke, baina oraindik ez dutela hitz egin onartu du.

Hurrengo mezua bota du beste taldeentzat interesgarriak izan daitezkeen jokalarien inguruan: "Realean, geratu nahi izan duten jokalariak, geratu dira".

Diego Ifan uruguaiarraren eta Haris Seferovic suitzarraren irteerei ateak irekita utzi dizkie Arrasatek. Alfred Finnbogason islandarraren fitxaketarekin, "badakite zaila izango dutela", esan du.