Arrasate: 'Oso haserre gaude'

Jagoba Arrasate, Realeko entrenatzailea, oso haserre dago bere taldeak Vila-real taldearen kontrako neurketan emandako irudiarekin.

Realak jipoia jaso zuen Vila-realen (5-1), eta bosgarren postua galdu. Vila-realek erakustaldia eman zuen berdegunean, eta Uchek eta Dos Santosek 3-0ekoa jarri zuten lehenengo zatian. Bigarrenean, Marcelinoren gizonek sendo jarraitu zuten, eta 5-0ekoa jarri zuten markagailuan. Imanol Agirretxek egin zuen txuri-urdinen gola.

Okerrena, emaitza baino gehiago, taldeak utzitako sentsazioa izan dela adierazi zuen Arrasate entrenatzaileak. "Ez da erraza azaltzea, arlo guztietan gainditu gintuzten. Halere, intentsitatea jartzen ez badugu, Vila-real bezalako talde baten aurka ez dugu inolako aukerarik", gehitu zuen Arrasatek.