Reala-Vila-real, sasoiko dauden bi talde, aurrez aurre

Reala sasoia da Ligan. Azken neurketan Athletic gainditu zuen 2 eta 0 eta Kopan bolada ona horri jarraipena eman nahi diote.

Aurrean Villa-real izango dute. Final-zortzirenetako neurketa ostegunean jokatuko da, arratsaldeko 19:30ean, Anoetako futbol-zelaian. Valentziako taldea sasoian da ere eta seigarren postuan dago sailkapenean, talde txuri-urdinaren atzetik, puntu bakarrera.

Jagoba Arrasate teknikariak atsedena emango die hainbat jokalariei, beraz, minutu gutxiago dituztenenentzat abagunea; Chory Castrok edo Haris Seferovicek aukera handiak dituzte jokatzeko.

Ustezko hamaikakoak

Reala: Zubikarai; Zaldua, Mikel González, Ansotegi, Jose Angel; Ros, Pardo, Xabi Prieto; Griezmann, Castro eta Seferovic.

Vila-real: Juan Carlos, Mario, Musacchio, Gabriel, Jokic; Bruno, Trigueros, Aquino, Moi Gomez; Uche eta Gio.

Futbol-zelaia: Anoeta.
Epailea: Undiano Mallenco.
Ordua: 19:30