Reala, garaile Athleticen aurkako azken hiru euskal derbietan

Realak BBVA Ligako laugarren postua eskuratu nahi du, eta talde txuri-urdina bide honetik doa. Iragan igandean Athletici irabazi zion Anoetan, eta talde zuri-gorriak betetzen duen laugarren postutik puntu bakarrera dago orain Jagoba Arrasatek zuzentzen duen taldea. Athleticen aurka jokatutako azken hiru derbiak Realak irabazi ditu.

1980. urtean lortu zuen Realak azken aldiz Athleticen aurkako derbietan hiru partida jarraian irabaztea. Talde txuri-urdinak 4-1 irabazi zion Athletici 80-81. denboraldian. Aurreko denboraldian, talde txuri-urdinak 4-0 irabazi zuen etxean eta San Mamesen 0-1eko emaitzaren nagusitu zen. 1981-1982. denboraldian, talde txuri-urdinak laugarren garaipena jarraian ere lortu zuen euskal derbian San Mamesen jokatu zen lehen itzuliko partidan garaipena lortuta.

Euskal derbietan Realak jarraian lau partida irabaztea da talde gipuzkoarrak lortu duen markarik onena, eta denboraldi honetan marka historiko hau berdin dezake denboraldi honetako bigarren itzuliko derbian San Mamesen garaipena lortzen badu.