Xabi Prieto: 'Manchester gutxiestea akatsa izan liteke'

Xabi Prieto kapitainaren ustez Manchester United gutxiestea akatsa izan liteke, Ingalaterrako taldeak "handienen artean" jarraitzen baitu. 'Deabru gorriek' Liga hasiera kaskarra egin dute, baina Txapeldunen Liga irabazteko faborito nagusienen artean jarraitzen dute.

Valentziaren aurka garaipen garrantzitsua lortu zuen Realak, bi hilabete partidarik irabazi gabe egon ostean, eta Xabi Prietok Old Traffordera joateko "une egokia" dela adierazi du

"Ligako sailkapenean Manchester United behetik ikustea ez da ohikoa, baina munduko jokalaririk onenetarikoak daude", esan du gipuzkoarrak. Kapitainaren ustez, Realak konfiantza lortu du Mestallako hiru puntuekin, baina Manchester Unitedek onenen artean jarraitzen duela esan du.

Gainera, zaleek emandako erantzunarekin (6.000 txuri-urdin inguru egongo dira Old Trafford estadioan) harro daudela azpimarratu du.