Irratiek ez dute ordainduko

Eskubidea arautzeko lege-dekretu bat onartuko dutela iragarri du Soraya Sanchez de Santamaria Gobernuko bozeramaileak Ministroen Kontseiluaren ostean. Hala ere, sarrerak eta zenbait instalazioren erabilerak suposatzen duten gastua irratiek ordaindu beharko dutela zehaztu du Exekutiboak.

Exekutiboko bozeramailearen arabera, irratien eta LFPren arteko gatazkari irtenbide bat bilatu nahi izan diote, bi aldeak akordio batera heltzeko gai izan ez direlako.

Presidenteordeak azaldu duenez, irratiek informatzeko zelaietara sartzeko eskubidea dutela ezartzen du dekretuak. Herritarrek "informazio eskubidea" dutela argudiatu du Sanchez de Santamariak.

Kazetarien sarrera eta estadioetako instalazioen erabilera ordaindu beharko dituzte irratiek, baina diru kopuruak futbol taldeekin adostu beharko dituzte.