Asier Garitanok ez du Leganesen jarraituko

Leganesek entrenatzaile kargutik kendu du Asier Garitano. Talde madrildarrak Almeriaren kontra galdu (1-0) eta jaitsiera postuetan da; hamahiru jardunaldi jokatu dira eta hamar puntu besterik ez ditu.

Bergarako teknikariak bere bigarren etapari amaiera jarri dio, eta egun, historian Leganes taldea gehien zuzendu duena da.

"Leganesek eta Asier Garitanok ez dute elkarrekin jarraituko. Euskal entrenatzailea Butarqueko taldean bere bigarren etapari amaiera jarri dio", iragarri du klubak bere web atarian.

Garitanok Bigarren Mailara igo zuen Leganes 2014an eta Lehen Mailara 2016an; ondoren, esperientzia berriak bizi zituen Reala eta Alaves klubetan. Leganesera bueltatu eta igotzeko play-offak jokatu zituen iaz, baina aurten emaitzak ez dira onak izan.

Leganesek ez du bere ordezkoa iragarri.