Sergio Busquetsek, positibo, Eurokopa hasteko 8 egunen faltan

Espainiako selekzioko kapitainak, Sergio Busquetsek, positibo eman du koronabirusean eta ondorioz protokola jarraituz selekzioaren egonaldia utzi eta bere etxean dago jada.

Luis Enrique Martinez hautatzailearen taldeak hurrengo astelehenean jokatuko du Euro 2020ko bere lehen partida Suediaren kontra eta atzo eman zen albiste horren berri,  "Espainiako Futbol Federazioak jakinarazi nahi du Sergio Busquets kapitainak positibo eman duela Las Rozasen egindako azken PCR testetan eta ondorioz taldea utzi duela. Gainerako jokalari guztiek negatibo eman dute".

Jokalariaren parte-hartzea Eurokopan zalantzan dago orain, "kapitainaren eboluzioa aztertuko da orain hurrengo egunetan eta erabaki bat hartuko beharko da".

Hasteko, astearteko Espainiako Lituaniaren kontrako lagunarteko partida 21 urte azpiko taldeak jokatuko du.