Emakumeen futbolaren hitzarmena astelehenean sinatuko da

Datorren astelehenean, emakumezkoen futbolaren lehen hitzarmen kolektiboa sinatzeko ekitaldi ofiziala izango da, Espainiako Futbol Federazioak, Emakumezkoen Futboleko Taldeen Elkarteak eta Mediaprok behin betiko dokumentuaren akordioa egin ondoren.

Kategoria goreneko hamahiru klub elkartuek Elite Programara batuko dira eta horren bidez, talde bakoitzak diru-sarrera bat jasoko du denboraldi bakoitzeko (500.000 euro Lehen Mailako taldeen kasuan eta 100.000 euro Bigarren Mailakoen kasuan). Elite Programan sartuta ez dauden taldeek, berriz, zati proportzionala jasoko dute akordioa sinatzen den unetik.

Aipatu hamahiru talde horien artean ez daude Athletic, Bartzelona eta CD Tacon, baina horiek ere hitzarmen kolektiboari atxiki beharko zaizkio.

Patronalak urteko soldata minimoa onartzeko jarri zuen baldintza Elite Programari batzea zen, 16.000 eurokoa lanaldi osoaren kasuan eta 12.000 eurokoa lanaldi erdiaren kasuan.

Mediaprok jardunaldi bakoitzeko bi partida ematen jarraituko du. Beraz, hitzarmen kolektiboaren negoziazioan izan den ikus-entzunezko gatazka desblokeatuko da. Honekin guztiarekin, azken urratsa patronalaren eta sindikatuen sinadura da.