Messik kontratua berritu du Bartzelonarekin 2021era arte

Lionel Messik kontratua berritu du Bartzelonarekin 2021. urteko ekainaren 30era arte. Ondorioz, hiruz urtez berritu du kontratua, aurrekoa 2018ko ekainaren 30ean bukatzen baitzitzaion. Bartzelonak argitu du kontratu-berritzea datozen asteetan sinatuko dela, Messi oporretatik itzultzen denean.

Messik ondoen ordaindutako jokalaria izaten jarraituko du. Bartzelonara 13 urterekin iritsi zen Newell's Old Boys taldetik. Bartzelonaren gazte mailetan jokatu ostean, 17 urterekin egin zuen debuta Barçarekin Montjuicen Espanyolen aurka. Iragan denboraldian 13. denboraldia bete zuen Bartzelonaren lehen taldearekin. Barçarekin 8 Liga, 4 Champions, 5 Errege Kopa, 7 Espainiako Superkopa, 3 Europako Superkopa eta 3 Kluben Munduko Txapelketa irabazi ditu. Barçaren historiako golegile onena da, 583 partidatan 507 gol sartuta.