Galesek final-laurdenetarako txartela lortu du

Gales 2016ko Eurokopako final-laurdenetara sailkatu da larunbat honetan. Ipar Irlandaren aurka jokatu duen final-zortzirenetako partida 1-0 irabazi eta Hungaria-Belgika kanporaketako irabazlearen aurka jokatuko du hurrengo faseko norgehiagoka.

Erritmo motelekoa eta abagune gutxikoa izan da partida. McAuleyk bere atean sartu duen golak (75. minutuan) erabaki du lehia Galesen alde.

Fitxa teknikoa:

Gales: Hennessy; Gunter, Chester, Williams, Davies, Taylor, Allen, Ledley (Williams, min.63), Ramsey, Bale eta Vokes (Robson-Kanu, min.55).

Ipar Irlanda: McGovern, Jonny Evans, McAuley (Magennis, min.84), Cathcart, Hughes, Dallas, Norwood (McGinn, min.79), Steven Davis, Corry Evans, Ward (Washington, min.69) eta Lafferty.

Gola: 1 - 0, min.75, McAuley (bere atean).

Epailea: Martin Atkinson (ENG).