Espainia eta Italia, final-zortzirenetara; Belgikak arnasa hartu du

Bukatu da Eurokopako bigarren jardunaldia D eta E multzoetan. Italiak eta Espainiak final-zortzirenak jokatzeko txartela eskuratu dute multzoen fasea bukatzeko jardunaldi baten faltan.

Espainiak erakustaldia eman du Turkiari 3-0 irabazita. Moratak bi gol sartu ditu, eta Nolitok beste bat. Multzoko beste partidan Kroaziak eta Txekiar Errepublikak bina (2-2) berdindu dute. Espainia da D multzoko liderra (6 puntu), Kroazia da bigarren (4 puntu), Txekiar Errepublika da hirugarren (puntu 1) eta Turkia da azkena, punturik gabe.

E multzoan Italiak 1-0 irabazi dio Suediari Ederren gol bati esker. Multzoko beste partidan Belgikak 3-0 irabazi dio Irlandari. Italia da E multzoko liderra (6 puntu), Belgika da bigarren (3 puntu) eta Suediak eta Irlandak puntu bana dute.