Xabi Alonso fitxatuko du Bayern Munichek, Real Madriletik

Xabi Alonso, Real Madrileko jokalaria, Bayern Munichek fitxatuko du, Alemaniako taldeak iragarri duenaren arabera. Azterketa medikoak baino ez dira falta tolosarra Pep Guardiolaren taldean sartzeko.

"FC Bayernek Xabi Alonsorekin eta Real Madrilekin izandako elkarrizketak baieztatzen ditu. Espainiarrak gaur igaroko ditu azterketa medikoak", esan du Bayern Munichek Twitterren.

El #FCBayern confirma las conversación con @XabiAlonso y @RealMadrid. Se espera que el español pase hoy el chequeo médico.

— FC Bayern Español (@FCBayernES) agosto 28, 2014

Alonsok Espainiako selekzioa utziko duela ere esan du, debuta egineta hamaika urte geroago. 114 partida jokatu ditu, 15 gol sartu ditu eta bi Eurokopa eta Munduko Txapelketa irabazten lagundu ditu.

Tolosakoa 2009-10eko denboraldian heldu zen Real madrilera, eta 229 partida ofizial jokatu ditu. Liga bat, bi Errege Kopa, Espainiako Superkopa bat, Txapeldunen Liga bat eta Europako Superkopa bat irabazi ditu.