Bana egin dute Osasunak eta Realak

Osasunak eta Realak bana egin dute Nafarroako Erresuman jokatutako lagunarteakoan. Gehiago merezi izan dute gorritxoek, baina asko barkatu dute eta amaierarako hamar minutaren faltan, gainera, penalti bat huts egin dute.

Lehen hamabost minutuetan donostiarrak izan dira gehiago eta Agirretxeren golari esker markagailua estreinatu dute. Hortik aurrera, Osasuna nagusitu da eta Armenterosek partida berdindu du, 76.ean. Lau minutu geroago penalti bat huts egin du Ninok.

Fitxa teknikoa:

1 - Osasuna: Asier Riesgo; Echaide, Lolo, Ruben, Nano; Oier, Timor; Nino, Armenteros (Puñal, 77'), Roberto Torres; eta Kike Sola (Manu Onwu, 83').

1 - Reala: Zubikarai; Carlos Martinez, Ansotegi, Mikel, Jose Angel (De la Bella, 58'); Ros; Vela (Xabi Prieto, m.6; Oyarzun, 81'), Zurutuza (Estrada, 56'), Pardo (Markel, 36'), Agirretxe (Sanz, 77'); eta Ifran.

Golak:

0-1, 7:' Agirretxe.
1-1, 76': Armenteros.