Chimy Avilaren lesioa larria izan daiteke

Osasunako Chimy Avila berriro ere lesionatu egin da. Zaleek ez daukate ahazteko urtarrilean Levanteren aurka ezker belauneko lotailu gurutzatua hautsi zueneko irudia.

Hilabeteak bajan egin eta gero argentinarra erabat suspertuta ikusi da azken egunetan, baina goizeko saioan beste belaunean, eskuinean, lesionatu da, larri, antza.

Parte ofiziala falta da oraindik, baina jokalari argentinarrak berdegunea utzi behar izan du eta eskuin hankako lotailu gurutzatuan omen du lesioa. 

Arratsaldean egingo dizkiote probak aurrelariari lesioa larria den ala ez jakiteko.

ULTIMA HORA | Malas noticias tras la primera exploración de la rodilla derecha del Chimy Ávila: tiene afectado el ligamento cruzado. Seguimos a la espera del parte oficial de #Osasuna

— cafekutz (@cafekutz) September 9, 2020