Jagoba Arrasate izango da Osasunako hurrengo entrenatzailea

Osasunak asteazken arratsaldean baieztatu duenez, Jagoba Arrasate izango da talde nafarraren entrenatzaile berria hurrengo denboraldirako.

Horrenbestez, teknikari bizkaitarrak Diego Martinez aurreko entrenatzailearen lekua hartuko du gorritxoen aulkian. Martinezek kontratua zeukan 2019ko ekainaren 30era arte, baina Zuzendaritza Batzordeak kargutik kendu egin zuen ez zuelako lortu Osasuna igoera lortzeko borrokan murgilduta egon zedin.

Arrasatek denboraldi baterako kontratua sinatuko du, eta Bittor Alkiza bere laguntzailearekin eta Sergio Perez prestatzaile fisikoarekin helduko da.

Berriatuko entrenatzaileak Numantzia zuzendu du azken hiru denboraldietan, eta joan zen igandera arte Lehen Mailara igotzeko lehian egon zen Valladolidekin batera. Azkenean, baina, Valladolid izan zen igoera lortu zuena.