Osasunak igoera playoffetara sailkatzeko dituen aukera guztiak

Osasunak bere esku du Lehen Mailara igotzeko play-offean sartzea. Jardunaldi bakarra falta da Bigarren Mailako liga bukatzeko, eta talde gorritxoa sailkapeneko 7. postuan dago, Cadiz (5. dago) eta Valladolid (6.) taldeen puntu-kopuru berdina duela.

Valladolid izango da Osasunaren aurkaria azken jardunaldian. Aurkari zuzenak dira biak, eta neurketa larunbatean jokatuko da, 20:30ean, Jose Zorrillan. Partida irabazten duenak sailkapena lortuko du.

Talde gorritxoak sailkapena lortuko du Valladolidi irabaziz gero, baina berdinketak ere balio dio Osasunari, kasu hauetan: Valladolidekin bakarrik puntuetara berdinduta geratzen bada; Cadizekin eta Valladolidekin berdinduta geratzen bada; Valladolidekin eta Numantziarekin berdinduta geratuz gero, Cadiz, Valladolid eta Numantzia taldeekin berdinduta geratzen bada; eta Cadiz, Valladolid, Oviedo eta Numantzia taldeekin berdinduta geratzen bada.

Baina berdinketak kanpoan utziko du Osasuna, sailkapenean Numantzia, Valladolid eta Oviedo taldeekin berdinduta geratzen bada.

Valladolidekin galduz gero ere, baditu aukerak igotzeko play-offetan sartzeko: Osasuna play-offetara sailkatuko da Cadizek galtzen badu eta Oviedok eta Numantziak irabazten ez badute.