Osasunak entrenatzaile kargutik kendu du Enrique Martin Monreal

Osasunak entrenatzaile kargutik kendu du Enrique Martin Monreal. Zuzendaritza Batzordea astelehen honetan batzartu da, Sadarren, eta lehen taldeko entrenatzailea botatzea erabaki du. Erabakia hartu dutenean, Enrique Martin Madrilen zegoen, ekitaldi batean, eta telefonoz eman diote erabakiaren berri.

Talde gorritxoak oraingoz ez du entrenatzaile berria nor izango den jakinarazi, eta bigarren taldeko entrenatzaileak, Alfredo Sanchezek, zuzenduko du astearte honetako entrenamendua, Taxoaren.

Joaquin Caparros, Luis Garcia Plaza eta Pepe Mel dira Martin Monreal ordezkatzeko kaleratu diren izenak. Petja Vasiljevic kirol zuzendariak prentsaurrekoan esan duenez, "Caparros bilatzen ari garen profilean sartzen da".