Belgikak hirugarren postua lortu du, Ingalaterrari 2-0 irabazita

Belgikako selekzioak 2 eta 0 irabazi dio Ingalaterrakoari Thomas Meunierrek eta Eden Hazardek egindako golei esker. Ondorioz, Belgikarrek Errusiako Munduko Txapelketako hirugarren postua eskuratu dute, euren historian lortutako sailkapenik onena.

Lehen gola 4. minutuan egin du Meunier Belgikako jokalariak. Jokaldia Romelu Lukakuk hasi du, balota Nacer Chadliri eman dio eta hegalekoaren erdiraketa ate barruan sartu du Meunierrek.

Bigarren zatian, eta Ingalaterra nagusi izan den arren, Belgikak partida erabakita utzi du Hazardek azken minutuetan egindako golari esker. Ingelesek ere gola egiteko aukera argia izan dute Eric Dyerren hanketan baina baloia atepetik atera du Tobey Alderweireld atezainak.

Fitxa teknikoa

2 - Belgika: Courtois, Alderweireld, Kompany, Vertonghen, Meunier, Witsel, Tielemans (Moussa Dembele, 78. min), Nacer Chadli (Vermaelen, 39. min), De Bruyne, Eden Hazard eta Romelu Lukaku (Dries Mertens, 60. min).

Entrenatzailea: Roberto Martínez

0 - Ingalaterra: Pickford, Maguire, Stones, Jones; Trippier, Dier, Loftus-Cheek (Delle Ali, 84. min), Delph, Danny Rose (Jesse Lingard, 46. min); Kane eta Sterling (Marcus Rashford, 46. min).

Entrenatzailea: Gareth Southgate

Golak: 1-0, 4. min: Meunier. 2-0, 82. min: Eden Hazard.

#BEL #BEL #BEL

Eden Hazard makes it 2-0 against England as @BelRedDevils take bronze at Russia 2018 ¿

¿ TV listings ¿ https://t.co/xliHcxWvEO
¿ Highlights ¿ https://t.co/LOdKDX2Cwn #WorldCup pic.twitter.com/Rxo21DQiRU

— FIFA World Cup ¿ (@FIFAWorldCup) 14 de julio de 2018