Ronaldoren beste gol batek Maroko kanporatu du (1-0)

B Multzoko 2. jardunaldian Portugalek Maroko gainditu du 1-0 eta ondorioa Errusiako Mundialetik at dira marokoarrak.

Nahiz eta talde afrikarrak hobeto jokatu, batez ere bigarren zatian, Cristiano Ronaldok 4. minutuan buruz egindako gola nahikoa izan da garaipena portugaldarrentzat izateko.

Nahi eta ezin ibili da Maroko, baloiaren jabetza bai, baina gol abaguneekin ez dute asmatu.

Fitxa teknikoa

1 - Portugal: Rui Patricio; Cedric, Pepe, Fonte, Guerreiro; William Carvalho, Joao Mario (Bruno Fernandes, m.70), Moutinho (Adrien Silva, m.88), Bernardo Silva (Gelson Martins, m.59), Guedes; eta Cristiano Ronaldo.

Entrenatzailea: Fernando Santos

0 - Maroko: Munir; Dirar, Benatia, Da Costa, Achraf, Noureddine Amrabat, Al Ahmadi (Fajr, m.85), Boussoufa, Ziyech, Belhanda (Carcela, m.75) eta Boutaieb (El Kaabi, m.69).

Entrenatzailea: Herve Renard

Gola: 1-0, M.4: Cristiano Ronaldo.