Oliveira portugaldarrak sendotuko du Eibarren atzealdea

Eibarrek Paulo Oliveira atzelaria fitxatu du. Lau denboraldiz izango da Ipuruako taldean, eta Sporting Lisboatik dator. Internazionala da, eta aurreko denboraldian Ligako hamahiru partida jokatu zituen.

Talde armaginak bere webgunean azaltzen duenez, Oliveira, 26 urtekoa bera, 'zentral indartsua da, trebea baloiarekin'. 2014-15 denboraldian iritsi zen Sportingera, Vitoria Guimaraes taldetik.

Hamaika partida ditu jokatuak Portugalgo selekzioarekin. 2021eko ekainera arte izango da Eibarren, sinatutako akordioaren arabera.

Hala, Oliveira Eibarrek egindako seigarren fitxaketa da; izan ere, portugaldarraz gain, ondorengo hauek fitxatu ditu klub armaginak: Ivan Alejo erdilaria (Alcorconetik) Marko Dimitrovic atezain serbiarra (Alcorconen zebilen), Charles aurrelaria (Malagatik), Joan Jordan erdilaria (Espanyoletik dator) eta Jose Angel atzelaria, Portotik azken hau.