Athletic, Olympique Lyonen garaipenaren zain

Hapoel Kiryat-Athletic partida bertan behera geratu zen Israeleko egoera dela eta, baina multzoko beste partida arazorik gabe jokatuko da. Spartaren eta Olympique Lyonen arteko partidak eragin zuzena izango du Athleticek Europa Ligan izango duen etorkizunean.

Talde txekiarrak garaipena edo berdinketa lortuz gero, final-hamaseirenetara sailkatzeko aukerarik gabe geratuko da Athletic. Lyon da multzoko liderra, 12 punturekin, eta Sparta bigarren postuan dago, 7 punturekin. Lyonek nahikoa du berdinketa lortzearekin multzoko lehen postua ziurtatzeko, eta berdinketak sailkapen matematikoa emango lioke Spartari. Txekiarrek irabaziz gero, ordea, Lyonek ez du multzoko lehen postua ziurtatuko.

Athleticek hurrengo fasera sailkatzeko aukera gutxi ditu, baina esperantza txiki bat geratzen zaio oraindik: Olympique Lyonek Spartari irabazi behar dio, eta, ondoren, zuri- gorriek Hapoel Kiryati irabazi behar diote. Gainera, talde txekiarrari hiru goleko baino gehiagoko aldeaz irabazi behar dio Athleticek.