Ander Herrera baja izango da lautik sei astera bitartean

Ander Herrera baja izango da lautik sei astera bitartean. Ulrike Muschaweck sendagilearen kontsultan egon eta gero, ebakuntza egin diote Munichen, pubiseko mina kentzeko. Dena ondo atera dela baieztatu du Athleticek.

Talde zuri-gorriko erdilariak ezin izan du kirofanotik pasatzea saihestu. Pubalgia arazoekin egon da iragan denboraldiaren erdialdetik, eta tratamendu berezi bati esker, minak arindu zizkioten medikuek. Ondorioz, Olinpiar Jokoetan parte hartu ahal izan zuen Herrerak.

Ligako hirugarren jardunaldian, Valladoliden aurkako partidan, Bielsak ez zuen erdilaria deialdian sartu. Minak ez zion jokatzeko prest egoten utzi.

Herrera ez da Muschaweck medikuarengana joan den Athleticeko jokalari bakarra. Iragan uztailaren 20an, Muschaweckek ebakuntza egin zion Fernando Amorebietari.