Gomendioak Old Trafforderako

ManchesterREKO Poliziak eta United berak Athleticeko jarraitzaileentzako eginiko gomendioen artean honako hauek azpimarratu ditu Bilboko klubak:

-Leku gehienak seguruak dira, hala ere zelai ondoko tabernetan ez egotea gomendatzen dute, bertako zaleak daude eta. Aldiz, hiriko erdigunean dauden taberna zein pubak gomendatzen dituzte.

-Zelai inguruan edota erdigunean alkohola kalean kontsumitzeko dagoen debekua kontuan hartzea gomendatzen dute.

-Autobusak E2 aparkalekuan utziko dira eta gainerako ibilgailuentzat hiriko erdigunean dauden aparkalekuak gomendatzen dituzte. Hortik autobus lerro ezberdinak irteten dira zelairantz (Piccadilly Lorategietan dago hiriko autobus geltokirik garrantzitsuena)

-Halaber, Metrolink izeneko tranbiak sei minuturo hurbiltzen dira Manchesterreko erdigunetik (Old Trafford da geltokirik hurbilena, oinez estadiotik bost minututara)

-Zelaira sartzeko ateak baieztatzeke daude. Baliteke E30 edo E32 izatea, baina partidaren egunean bertan jakinaraziko dira.

-Sarreretan ‘txakur aztarnariak’ egongo dira suziriak eta bengalak antzemateko. Suziriak eta bengalak guztiz debekaturik daude eta aurkitzekotan jabea atxilotuko dute.

-Ezin da estadiora musika tresnarik sartu.

-Ezin da alkoholik edan estadioan eta araua hausteak atxiloketa edota estadiotik kanporatzea ekar lezake. Gauza bera gertatzen da erretzearekin. Debekatuta dago.

-Zaleek derrigorrez tokatzen zaien jesarlekuak bete behar dituzte. Jarraitzaileei erregutzen zaie etengabe zutik ez egotea.

-Banderak baimenduta daude 2 x 1 metrokoak baino handiagoak ez badira (gutxi gorabehera). Edozein pankarta edo banner motako ikurra bisitarientzako utzi den sekzioaren aurrealdean erakutsi daiteke, baina eskakizun haiek partidaren eguna baino lehenago egin beharko dira.

-Kanpoko jarraitzaileek ezin dute etxeko zaleen harmailetan egon. Gune horretarako sarrerak erosi dutenek ezin izango dute zelaira sartu eta sarreraren salneurria ez zaie itzuliko.

-Etxeko zaleen ondoan euren guneetan egoteak zelaitik kanporatua izateko arriskua dakar, urruneko guneetan kokatzeko aukerarik gabe.