Aurrerapausorik ez Remiroren kontratu-berritzean

ETBk jakin duenez ez da aurrerapausorik egon Athleticen eta Alex Remiroren arteko negoziaketan, bi aldeak lotzen dituen kontratua berritzeko. Atezainari 2019ko ekainaren 30ean amaitzen zaio kontratua talde zuri-gorriarekin.

Athleticek ez du pausorik eman negoziazioak berrabiarazteko, ezta Remirok berak ere. Chelseak Kepa Arrizabalaga fitxatu eta Iago Herrerin lesionatu ostean, ematen zuen Remiro izango zela Athleticeko atezain titularra lehen jardunaldietan, baina kontratu-berritzearen gaia dela eta, klubak Unai Simon berreskuratu zuen Elxera utzita bidali ondoren, eta atezain arabarrari eman zion Athleticen atea zaintzeko ardura.

Alex Remiroren ordezkariak ETBri jakinarazi dionez, atezainak ez du pausorik emango negoziazioak berrabiarazteko, uste baitu Athletic dela lehen pausoa eman behar duena.