Luzapenean lortutako garaipenarekin hasi du bidea Berizzoren Athleticek

Luzapenean lortutako garaipenarekin hasi du ibilbidea Eduardo Berizzoren Athletic berriak San Mamesen. Iker Muniainek sartu du gola, 92. minutuan, Ander Capak egindako erdiraketa bat baliatuta. Markel Susaetak eta Iñaki Williamsek baloia pasatzen utzi ostean, Munianek jaurtiketa gogor batekin zulatu du Ivan Cuellarren atea.

Partidako lehen gola Peru Nolaskoain gazteak egin du. Unai Lopezek ateratako kornerra buruz errematatu du. Minutu gutxira, baina, Leganesek norgehiagoka berdintzea lortu du. Nabil El Zharrek eskuin hegaletik egindako jokaldi bikain baten ondotik sartu du gola Jonathan Silvak.

Athleticek ez du partida ona jokatu, eta agerian geratu da hobetzeko asko duela, baina azkenean garaipena lortu du.

Fitxa teknikoa

Athletic: Unai Simon; De Marcos (Capa, 65. min), Yeray, Nolaskoain, Yuri Berchiche; Dani Garcia, Unai Lopez (Raul Garcia, 76. min), Muniain; Susaeta, Williams eta Aduriz (Cordoba, 71. min).

Leganes: Cuellar; Juanfran, Ezequiel Muñoz, Siovas, Raul Garcia; Ruben Perez, Gumbau; El Zhar (Ojeda, 65. min), Jonathan Silva; Eraso (Michael Santos, 57. min) eta Carrillo (En Nesyri, 84. min).

Golak: 1-0, 28. min: Nolaskoain. 1-1, 33. min: Jonathan Silva. 2-1, 92. min: Muniain.

Epailea: Adrian Cordero Vega.