Panathinaikos-Athletic partida 20:30ean jokatuko da

UEFAk Europa Ligako atariko azken kanporaketen joaneko partiden ordutegiak publikatu ditu. Panathinaikos-Athletic neurketa abuztuaren 17an jokatuko da, 20:30ean, Atenasen (Grezia).

Europako futbolaren erakunde gorenak ez ditu itzulerako partiden ordutegiak publikatu. Hala ere, itzulerakoa, Athletic-Panathinaikos, abuztuaren 24an, 20:45ean, jokatuko dela dirudi.

Sarrerak Atenaserako

Panathinaikosek 888 sarrera gorde dio Athletici Panathinaikos FC-Athletic Club norgehiagokarako. Partida ikusteko sarrerak erosi nahi dituzten pertsonak Athleticen webgune ofizialean eman behar dute izena abuztuaren 8ko 13:00ak eta abuztuaren 10eko 13:00ak bitartean.

Beharrezkoa bada, zozketa abuztuaren 10ean, ostegunean, 14:00etan egingo da. Sarrerak 15 euroan izango dira salgai, eta San Mameseko txarteldegietan jaso ahalko dira ostiralean, abuztuaren 11n, 10:30etik 13:30era eta 17:30etik 20:00etara.